Details

Latitude

25.234

Longitude

96.9165

Start Date

2017-02-12

End Date

2017-02-12

Transcription (La Ring) Moi kalang mi hta aw ya ngai tsun na ga baw gaw marip amyu ni hkrang hkri hpa na nmai hkri ai i nga hpe tsun dan mayu ai hku re. Moi kalang mi hta mare langai mi hta marip ngu ai la kasha langai mi nga ai da. Rai yang she shi gaw shi manang ni mung nga ai da. Shanhte manang shanhte ni gaw e lani mi hta shanhte gaw nga hkwi sa ai da. Nga hkwi sa ai shaloi she e nga hkwi sa ai hku she langai lu ai hte langai lu ai gaw nbung ai majaw i "Ngai na nga grau kaba ai ngai na nga grau kaba ai" ngu na she ning dang hkat ai da. Ning dang hkat rai yang she dai marip ngu ai la wa gaw i ga tsun ndang wa jang she dai la e shi gaw yawng hta na ma i n-gun ja dik htum re nga yang gaw dai mi yat na la dai shi na manang lahkawng hpe she shi nau masin pawt di na she kahtam sat kau na she shi yam bu kata kaw she kalang ta hkrang hkri dai hku mahkri hkri kau dat ai da. Dai hku na mahkri hkri kau ai majaw ya du hkra marip ni i hkrang hkri nmai hkri ai da. Ngu yang um kaja wa ya du hkra ma nga ai kaja wa marip jet ai ni gaw hkrang hkri hkri yang hkrang hkri yat mat ai da. Um dai hpe chye mayu na ya du hkra ma nga ai da dai gaw. Dai kaw jahtum sai re.

Sources