Details

Latitude

25.234

Longitude

96.9165

Start Date

2017-02-11

End Date

2017-02-11

Transcription (La Ring) Ngai tsun na gabaw gaw lapu kaja ai kaw na nkaja ai byin mat ai re. Moi shawng de da wora kaja ai hte nkaja ai hkan nu nga ai da. Dai kaja ai hkan nu gaw shanhte gaw grai matsan ai. Grai matsan na wo nam de da wo ra "Shat mai tam sa na" ngu na sa ai shaloi da dai lapu langai hkawan taw ai mu ai da. Dai ma gaw lapu langai hkawan taw ai mu ai shaloi shi gaw wo ra dai lapu gaw da grai myit su ai da. Shi hpe n achye sha ai da. N achye sha ai sha nga taw she dai ma dai gaw da dai lapu hpe la mat wa ai da. Lapu hpe la mat wa ai shaloi she dai shanhte gaw i dai wora hpe nta kaw tawn da ai da. Nta kaw tawn da yang she nta kaw tawn da ai da. Shi gaw hpawt de nga jang dai lapu na hpyi sha nga taw ai da. Wora dai lapu gaw nnga ai da. Shi gaw "Dai lapu hpyi galai sai" ngu na shi gaw dai hkan nu gaw da dai lapu na hpyi hpe ju kau ai da. Ju kau yang she dai lapu kaw bai sa wa ai. Sa wa na she i masha tai mat ai da. Masha tai mat na hpang e "Ngai na hpyi gaw" ngu tsun yang she dai ma gaw "Ju kau sai" ngu ai da. Ju kau sai ngu jang she "Hpa nra ai ngai masha grai byin mayu taw ai grai na sai" ngu da. Rai na shanhte gaw i dai shan hkawng kaw nga da shan hkawng kaw nga mat ai da. Nga na she i shan hkawng gaw nga rai yang she ma lu ai da. Ma lu yang she ma lu yang she i shanhte dai nkaja ai hkan nu gaw shanhte gara hku na dai lapu hpe lu ai lam tsun ai shaloi she dai wora nkaja ai hkan nu mung sa ai da. Sa na she dai wo num wa lapu shazai hpe mu ai da. Dai nga jang she nkaja ai hkan nu na anum wa dai shanhte ma nam de sa. Nam de sa yang nkaja ai lapu shazai mu ai da. Shi gaw dai lapu hpe la na ngu na she i dai lapu wa shi hpe mayu kau na hkyen taw shaloi she i masha ni gaw da "Nanhte na kasha hpe lapu mayu taw sai" ngu na tsun ai da. Ding rai she shi gaw sa mat ai da. Sa mat jang she dai wo ra madu wa gaw tsun ai da "Ngai ndai lapu nkaja ai sai hte ngai mung nkaja ai tai mat sai" ngu tsun ai da. Re sha shan nu lahkawng gaw myit grai kaja ai zawn rai na she "Hpa nra ai" ngu na tsun ai da. Hpa nra ai ngu na tsun jang she dai wora shi gaw hkye la kau ai da. Dai shi hkye la kau ai nga yang shi na kaw sai hkra mat ai da. Sai hkra mat jang she shi gaw lapu nkaja ai rai mat ai da shi gaw. Dai lapu nkaja byin mat na dai shi na madu jan hpe achye na hkyen ai da. Dai hku hkyen yang dai shi gaw ma kasha madun na she "Nang gaw nang na ma le nang nmatsan dum ai i" ngu tsun ai da. Shi gaw bai myit malai lu ai majaw shi gaw wo ra nam grai sung ai de bai sa mat wa ai da.

Sources