Details

Latitude

25.234

Longitude

96.9165

Start Date

2017-02-11

End Date

2017-02-11

Ya tsun na gaw ndai uhka chyang ai lam hte e tawk hka yan a lam hpe e tsun dan na re da, moi shawng de gaw da, dai oh ra uhka hte tawk hka lahkawng yan gaw grai tsawm ai ka hkra tsawm hkra re ga ngu na dai hku myit ai da, dai hku re na she shang lahkawng gaw dai ni du hkra u hka hpa na chyang mat ai nga yang she, e ndai hku re ai da, e an lahkawng grai tsawm hkra di ga ngu na she shan lahkawng gaw ka hkat ai da, ka na she myit galu kalang eh uhka gaw shawng tawk hka hpe atsawm sha ka ka re na shi shi hpe gaw grai tsawm hkra ka ya ai da, ka yang re she dai wa hpe ka ngut ai hpang she e u hka na e bai u hka hpe bai ka na teng bai rai mat sai da, re she uhka na aten bai rai jang ye gaw kaning she uhka gaw oh ndai masha ni nga sat sha ai zawn re nat jaw poi zawn re ni rai jang gaw e ndai sin ngau manam jang shi gaw grai sha mayu grai shi gaw dai de chyu grai sa mayu re ai da. Re she shanhte dai yang she dai hku ka ya taw she ya mung n ngut ai i ya mung n ngut ai i ngu na chyu sa na shi gaw dai zawn zawn re na masha dumsu nga hkri manam ai nga rung zawn re kabai kau ai dai hkan ni she hkan hta sha mayu i manam sha gram ni hta sha mayu na dai masha ni na nat jaw sha ai zawn dumsu nga sat sha ai share de chyu sa mayu na she shi gaw nau sa mayu dai de poi de chyu sa mayu majaw she e ndai ya n ngut shi i n ngut shi i chyu nau san nau gadap taw ai majaw tawk hka gaw shi hpe grai pawt mayu nna myit n galu mat ai da, myit n galu ai majaw kalang ta dai shi hpe ka ya na ntsin hpe mahtap ntsin hpe kalang ta ru bung kau ai da, yawng ru bung kau dat ai majaw dai ni uhka gaw n re hkum ting chyang mat ai da, tawk hka gaw ka ka rai ti na grai tsawm ai da, dai shan lahkawng a maumwi nga ai majaw dai ni tawk hka hte uhka gaw kaji mung n hkrum ai shan lahkawng gaw dai ni shan lahkawng shada da moi grai ganawn masum na mi ganawn hkat ai yan rai tim mung da shan lahkawng gaw da shan lahkawng shada da Hpyen rai mat ai re ai da, uhka hte tawk hka a maumwi hpe dai sha re da.

Sources