Details

Latitude

25.234

Longitude

96.9165

Start Date

2017-02-11

End Date

2017-02-11

Ya tsun na lam gaw grai manu dan ai ndai (pyitan kyauk) a lam rai nga ai. Re na she moi shawng de da jahkrai ma langai tsi ru la ngu ai tsi ru ru hkrai hkrai re na shi gaw grai matsan ai, ma langai mi re ai da. Dai majaw dai mare kaw gaw da shi hpe grai roi sha ai lam ni galaw re shaloi bungli galoi galaw tim mung da yawng gaw shi hpe grai roi sha ai da. Lani mi na da shawa lam hkyen na matu shaga ai shaloi da shi kadwi gaw n jin ai re majaw ma retim shi sa mat ai da. Retim shi gaw nta kaw na mung hpa mung nlu ai, hka gun lu na mung nlu ai, lu sha ni gun na mung nlu ai da. Retim mung da dai kaw masha kaga ni gaw yawng lawt loi ai lam kaja ai lam hpe sha shanhte galaw lai mat wa na shi hpe gaw grai roi sha ai majaw ndai hkinji pawt kaba law ai htu mung grai yak ai, dai hpe shi hpe htu shangun ai, jahpawt tup htu taw nga ai da. Retim masha ni gaw yawng jin ngut mat na me yawng ngut mat na wa hkyen tim mung shi gaw nlu wa ai da. Nlu wa ai majaw shi gaw grai ba na she tsam mari sha shi hkrai jan law ai shaloi gawt dat ai shaloi da hkinji pawt hpe gawt ai shaloi da dai kaw na she grai manu dan ai seng lawt n lung lung seng, seng lawt ngu ai wa nga taw ai she kalang ta n htoi htoi na i kabrim wa ai da. Kabrim wa re jang she shi gaw masha ni mu na ra ai ngu na shi gaw shagum up re na kan machyi ai ngu na shi gaw bai magap da di ai da. Bai shi bai rawt ai hte gaw grai nhtoi dai hku kabrim wa wa re ai da. Dai seng lawt gaw dai hku re jang she shi gaw da dai hpe yawng wa mat ai hpang da shi gaw n ba hte majaw la na da shi kadwi hpe wa madun ai shaloi da shi gaw seng lawt re ma nchye ai, dai hku re wa ai ngu na kadwi hpe wa tsun dan ai shaloi she kadwi shan na nta kaw mung dai hku kabrim wa wa re jang she bai makoi da re na she tawn da re wa lani mi gaw shanhte hpaga sa na lauban ni kaw sa mat na nga na sa shaloi da shi mung ngai ma sa na ngu na she sa ai shaloi, kaga lusu ai lauban kasha ni rau shanhte hkawm sa mat wa ai da. Retim mung dai sa dut na shara kaw gaw da shi hpe manam na shara ma nlu, langai hpang langai mare nnan mare shang wa ai htum pa kaw re yang gaw langai hpang langai yawng gaw sa sai da, dai rai dut na ni lauban wa a nta kaw gaw da dai kaw u hkying (chettuyoi) le i u hkring langai mi gaw nga taw ai da. Nga taw re she dai na manam kaja du na re, manam kaja du na re ngu na chyu tsun ai da, retim yawng gaw du htum wa sai le, yawng du htum wa timmung dai u hkying dai gaw manam kaja du wa re chyu chyu nga majaw lauban wa gaw san dat ai le, hkawhkam hkaw kaw lauban ni sa ai le, hkawhkam wa gaw ya ndai gaw ding chyu nga taw kaning re masha nanhte ni yawng du ra sai re i, nanhte naw ngam nga ai i ngu yang she oh ra ni gaw grai roi sha ai hto mare shingnawm kaw tsi ru la langai mi gaw dung nga ta ai ngu ai da. Dung nga ta ai ngu jang she, dai hku dung nga ta ai ngu tsun ai shaloi, reng gaw sa shaga la yu mu, sa yang gaw shi gaw kaja wa jahkrai re majaw baw kaw wa tsi hkrai hkrai baw ni gaw majoi she tsi gaman rai taw du re she nre i, sa madun ai le, hkawhkam wa kaw nan n lung hpe hpai shang wa na madun she gai taw nang dai hpaw dat yu u ngu yang she dai hku hpawt dat ai hte hkawhkam hkaw ting grai kabrim wa wa re da. Bai magap da dai she hkawhkam wa gaw kalang ta seng lawt re ngu hpe shi chye ai majaw grai kabu na gai nang ndai hpe kade ngu na dut mayu ai ngu san yang shi gaw hpa n chye tsun ai le, hpa n chye tsun na dai hku baw sha ma hkyit, baw sha machyit re gaw oh ra wa gaw i shi gaw dai tsi kawa ai majaw mahkrit ai le, tsi ni kawa na mahkyit mahkyit re jang she ohra wa gaw kara ndai i hkawhkam wa gaw ndai shi na kara daram kata latsang ram law ai hpyi ai shadu ai da. Re she dai hku shadu jang she deng gaw nang dai hku re i, hpa baw ra ai ngu yang gaw da shi gaw hpa sha hpyi ai i nga yang, grai lawan ai gumra langai mi sha ra ai ngu na she gumra dai grai lu lagat ai gumra ndai hku hkindang kaw bang da ai shaw dat yang gaw grai lagat ai pyen ai baw le, gumra dai jaw rit, ngai gaw grai chyang ai ra ai ngu na shi tsun ai da. Reng gaw dai jaw dat ai le, re na dai shan woi dwi hpe ma kadwi hpe ma shaga la na grai lu mat ai le i. Lu mat re she, lani mi gaw shi gaw dai gumra dai jawn na wa yang shi hpe gaw yawng (keye) ai le, retim shi na gumra na (ah htar) hpe masha ni nchye ai, gumra gaw htaw bye htaw bye re na she wa ai da, i dai tsi ru la e lu ai gumra dai maw hpa nre ai ngu na grai jahpoi ya ai da. Retim mung shi gaw shi na ( ah htar) hte shi le i, reng she lani mi gaw da shara mi kaw du shaloi she grai tsawm ai num le, grai tsawm ai num wa she dai hpe shi gaw ra ai le i, shi mung lu mat sai le, shi ma lauban re mat sai nga, grai ra ai wa she, re jang gaw da oh 3 ya sat ga de na shat kahtet ya ya nan i 3 ya sat ga de na shat kahtet dai nang lu la jaw yang gaw ngai nang kaw wa na ngu na she dai hku ngu tsun ai da. Dai hku ngu tsun she kaja sha i nga she, kaja sha nga, dai mare kaw na nnan pru wa yang gaw dai hku htaw bye htaw bye re jang she retim mung da dai shi mare shingnawn du ai kaw na gaw mi na zawn zawn hkindang kaw na raw dat yang grai kagat na she kalang ta ya ya nan hkyinghkum laman kaw la wa jaw ai le, dai majaw dai ga sadi hte maren num grai tsawm ai shi lu la mat ai da.

Sources