Details

Latitude

25.234

Longitude

96.9165

Start Date

2017-02-11

End Date

2017-02-11

Transcription (Lu Hkawng) Moi shawng e da, anhte ni gaw hpa majaw nga yang share Nhkum ni re ai da. Nhkum amyu masha ni re da. Rai tim mung da, moi anhte na kaji langai mi gaw grai gaya ja ai da. Grai gaya ja nna galoi mung lagyim masha hpawng de sa yang mung grai n gwi nna grai lagyim taw nga nga re ai da. Dai lagyim taw nga jang she, maru ni hku na shanhte gaw nang gaw lahpaw, nang gaw makoi taw grai lagyim ai la re ngu na mi dai hku ngu tsun ai da. Tsun tsun re yang she lani mi gaw lahpaw, lahpaw, lahpaw nga na she hpang e gaw lawng-waw nga na she dai ni du hkra lawng-waw tai wa ai re ai da. Mying dai ni lawng-waw ni nga na she ya gaw anhte lawng-waw ni ngu ai gaw grai law ai sumpra bum hkan ding re ai hkan ni anhte gaw lawng-waw ni ngu na shara shagu ya gaw moi gaw lawng-waw law, la law nga nna pyi pa naw tsun hkra re anhte lawng-waw amyu ngu ai ni dai ni shara shagu chyam bra wa nna dai ni Myitkyina ga kaw rai tim anhte lawng-waw ngu ai ni nga ai, shara shagu anhte lawng-waw ni ngu nga ai (Hta-na) shagu mung nga ai anhte lawng-waw ni ngu ai gaw pya da galaw ai nga ai, rai nna tsi du galaw ai mung nga ai, shara shagu nbungli pa gara gara shagu hkan yawng (Let-tama) hpa nga nna moi lam du galaw ai ni mung nga ai, ya hpyen la galaw ai ni mung nga ai, e ding re nna masha grai law wa re ai da. Dai anhte sumpra bum ga gaw lawng-waw ga ngu ai lawng-waw kahtawng ngu ai ma nga ai, lawng-waw kahtawng sha n re ai dai labrang hku nga tim mung lawng-waw ni na shara sha re, sumpra bum ndai lawu maga de mung lawng-waw ni re ai, htaw gam jawng ga ngu ai de ma lawng-waw ni ngu ai nga ai, ya anhte ni gaw dingsa hkrang ngu ai de nga ai. Oh share ga ngu ai de ma nga ai, anhte ni gaw yawng lawng-waw ngu ai grai law nna chyam bra wa ai le rai tim dai ni gaw mying sha lawng-waw nga tim mung nau gaw n makoi sai le i, n gaya na she dai ni gaw yawng ma mying pru mat ai ni dai ni tai wa ai re ai da.

Sources