Details

Latitude

25.234

Longitude

96.9165

Start Date

2017-02-11

End Date

2017-02-11

Ya tsun na gaw kataw naw u mai dang hkyeng ai hte sinwa u hkyeng ai hte tsit ai 2 byin wa ai lam hpe tsun dan na rai nga ai da. Moi gaw da shanhte ndai zawn re na u ni langai hte langai nga ai da. Re yang she ndai kataw naw gaw da lawu ga de nga mat na da dai ni du hkra shi ga shaga yang myen ga ga ai zawn nga na ngoi mat ai re da. Dai she bumga kaw gaw u ni n hkum wa ai majaw gaw da dai shani kataw naw hpe lawu ga de na bumga de kataw naw hpe wa woi la ra ai, ndai hpan hpe wa woi la ra ai ngu na tsun re shaloi she kadai hpe, kadai sa na ngu she kaji htum ai htingra set ngu ai kaji htum ai hpe shanhte yawng gaw dang sha ai re majaw gai nang sa woi la ra ai ngu na she sa ai da. Sa yang she nrai i dai u kaji dai gaw da kataw naw hpe ba na wa ai da, ba na wa re she shi gaw ndang nla, ndang nla re na ba wa ai da, dai majaw she nau ba na she e hkring na re ngu na shadun dat ai ngu wa da, dai kaw tingret hpun ju hpun du dai kaw e da sa ah chyaw hkrup dat ai majaw da kataw maidang dai kaw maidang baw mat ai majaw da dai sai pru na da dai ni gaw kataw maidang ma hkyeng ai da. Re na she dai kaw na gaw dai u dai nlu ba ai majaw sinwa u ngu ai u mi gaw atsit she re wa shi bai ba na she bumga de du hkra shi ndai zawn re na ba ai majaw kataw naw kaw na pru ai sai hte sai kap ai majaw dai ni u dai gaw dai ni du hkra ah hkyeng hpa mi sha retim 1 gaw tsit ai, 1 gaw hkyeng ai re na hkyeng ai hte tsit ai hpan 2 dai ni tup hkum ting kataw naw a sai hte hkyeng mat ai re da, ndai maumwi gaw.

Sources