Details

Latitude

25.234

Longitude

96.9165

Start Date

2017-02-10

End Date

2017-02-10

Transcription (Lu Hkawng) Moi gaw anhte jinghpaw wunpawng sha ni a lup htu mang bu yang wenyi hpe shabawn ai ga hpe jinghpaw ga hku hkang hpoi hpoi ai ngu re. Oh oh a lawng hpan karai kajai gang hkau mung rai htai lai ning hkaw na ga masa lu wa hkalang kawng hkyeng kawa a law Oh oh ja nen lakang gashawt na law manen hput-kap adawt na law ja nen lakang gahprai na law manen hput-kap kashai na law Oh oh a lawng hpan lai lam waw, manga hkam hkyeng hta wa daw law saw i saw le kanawng e ga bang bang bak e kanawng e ga Oh oh myit yawn le lawng tu num da e du ra law kyuhpyi yan mung ga shaka e pru ra law le law mung hkawng mada u la hpraw tawn mung kau marau la marit yan ningsin nlu ai kun shayut yan myi hkwi npu ai kun shoi gam laja e du ra law nsin daw lawng e pru ra law sa wa dai gaw mu ai bai wa dai gaw nmu ai kadung lawng dawng htawng lam di yang si nat sum mawn mang rai na salu len sam nawng e lawng na law chyawp na hkaw len e du na law Oh Oh awang mung hkawng e du ra law myit bang sau hkung e pru ra law n byen byet u e htawng hpye myit ban wa lam num she gadin wu di di wan mamwui u ga shat nga ang hkang hkwi u ga a lawng hpang karai ga hkring na gang hkau mung rai ga zing na a lawng hpan ga gaw teng ai jan wa ning mu hkyeng ai hey yi myaw dingsi gumra ladi chyawm tari sing. La nhkawng hkyeng kawa ai nhkaw nau ga masa ai ngu gaw nta kata de shang wa na re shaloi tinang rau hkang hpoi hpoi ai ni manang ni hpe tsun dan ai ga rai nga ai. "Ja nen lakang gashai na manen hputgap gahprai na, ja nen lakang gashawt na manen hputgap adawt na" ngu lakang kaw atsawm lung mu gashawt kataw di lahput adawt la na ngu ga re. "Bang bang bak e kanawng e ga,saw i saw le yawng e ga,alawng hpan lai lam waw mu,manga hkam hkyeng dau daw mu" a lawng hpan ngu gaw dai hkang hpoi hpoi ai kaw lawm ai yawng hpe tsun ai re. Chyinghkyen moi na wa-ra chyinghkyen gaw lahkam maga pa re gaw dai daw mu ngu ga re. Rai nna alawang mung hkawng ngu gaw htaw wenyi tsu nat i shabawn kau ai (Nikban lan,nikban ga)ngu she tsun ai re. Ndai mung hpyi yan mung kang shaga marip yan mailawng taw mada ngu gaw ndai katsan ga de ndai (Lawka Nikban) garan ai shara hpe tsun ai. Dai kaw du si ai wa wenyi hpe "Nding htawm hpang mungkan ga de nmarit ndai i,shayut yan myiprwi npru,gawng tsing marit nlu ndai" ngu san ngai gaw nmarit sai "Su len sam naw e lu chyawp na,hawlen e du shangun" ngai gaw htaw katsan ga de wa mat nga sangai ngu lachyum re i. Ndai "Nbyen byet u htawng hpye lup wan wa lam numshe" ngu (Nikban) wa ai lam ningbraw num she hpe tsun ai re. Ndai "Madum lawng htawng htang lang di yang,jinat summun mat rai na"ngu madum lawng dawng htang ngu dai hkang hpoi hpoi ai shaloi nhtu shatai ai nat jahkrit ai hpun pyen hte ka ai dai hpe tsun ai re. "Shoi gam laga du rat law, ningsin daw lawng gu ga law" ngu grai gyip gyeng ai shara asin chyip nga dai kaw du lai na she htaw htaw lai mat yang grai nkaja ai nat tsadan ni nga ai kaw du jang she shanhte manang shada bai shinggawn jahkum ai sa wa ai gaw mu bai wa ai gaw nmu ai nga na sa mat wa ai. "Shat nga a hkam" ngu gaw shat nga ngu gaw sat hpyen chyoi ai dai hta jawn nna (Nikban) ngu ai (Hpaya Nikban)de dai jawn rai na sa mat wa ai lachyum hpe tsun dan ai re.

Sources