Details

Latitude

25.234

Longitude

96.9165

Start Date

2017-02-10

End Date

2017-02-10

Transcription (La Ring) Nat hte shinggyim masha ni labau garan wa ai lam ginhka wa ai lam. Moi shawng de jahkrai ma langai hte gumgai kadwi gumgai nga ma ai da. Dai mare kaw e gaw la jahku la ni nmai numju masha ni ngu ai mung nga ma ai da. Jahkrai ma shana yup mang mu ai gaw kawng jahku lau marawn jahku tsau de jahku tsau kawa laman jahku sha lawm ai yup mang kaw mu ai da. Dai hpe la jahku la ni nmai numju numja ni hpe sa tsun dan yang "Sa tam ga jahkrai ma e" ngu na sa tam yang kaja wa mu sai da. Mu nna laman jahku gaw la jahku la ni laman hpra di na gam la kau, jahkrai ma gaw ndung kaji dik ai de sha lu la ai da. Rai na laman jahku re kawa dai hpe tingraw ngu ai Myen ga hku gaw hka-ya law ngu ai dai hte nga ja na matu sa ma ai da hka de. Dumdaw mung jahku re majaw la jahku ni hkrai ja ka na jahkrai ma gaw gara kaw e nchye ja ai majaw hka la-ing kaw lamu de shayawn nna dingdung di na jun da ai da. Hpang jahpawt sa yu yang gaw jahkrai ma a tingraw kaw gaw lungdin grai tsawm ai apre re langai rawng taw ai da. Pawt mayu di hka la-ing de bai kabai bang kau da nna wa mat yang hpang jahpawt bai sa yu yang mung lungdin dai sha bai rawng taw ai da. Lungdin dai kabai kau maw yang she u kra ngu ai wa ga grai ga chyoi ai wa she "Jahkrai ma la wa u la wa u hkum kabai kau, nan ndwi a buk kaw nawn di ginshang kaw hkyawm di" nga jang she la wa nna buk ginshang kaw bang da yang e shani shan dwi yi sa ai hpang e si shat shadu da ai mi nga nga rai na la jahku la ni nmai numju masha ni hpe "Rai yang gaw rai sai" ngu. Hpang shani bai yi sa na bai wa yu yang bai si shat bai galaw mawn sumli tang da ai mi nga nna lani mi gaw hkan dwi lahkawng hkap masai da "Kaning re masha wa re kun" ngu na. Dai yan kashu kawoi gaw lahkyi jahku tu ai gwi langai ma rem ai da. Dai chyinghka jut kaw makoi na hkap nga yang moi gaw sutdek nnga ai ginshang ngu pali hte galaw ai sumbuk dai kaw nna mahkawn grai tsawm ai langai wa le wa nna dun ye wan wut rai shat shadu ai da. "Dwi e ya rim ga law" ngu yang "Ya shat naw jin u ga" ngu "Ya rim ga law dwi e" ngu yang "Ya shat naw tang u ga" nga. Moi gaw ka htang ngu ai hta tang sha ai prat re. Tang ngut ai hpang rim dat yang gaw gwi dai mung e mi na hkinru rawng ngu ai mudi shayi rawng ai nlung tsawm dai hpe kawa hkyawp rap bai shang mung nmai sa. Rai na dai jahkrai ma gaw dai mudi shayi hpe nja ai nga tek chyu tek wa yang she ya e mudi shayi tsun ai gaw "Ngai hpe dat u hpa nra ai nan dwi yi sa masu ngai nhprawng ai. Ngai hprawng na hkrit jang gaw nang ngai na ta lahpum kaw pali gyit nna pali matut nna wo nang bungli galaw ai kaw du hkra gyit matut sa wa u" ngu na htet dat ai da. "Raitim jan kade kahtet tim mung lahpyaw gaw hkum hpyaw" yaw ngu tsun ai da. Lani mi na malap kau na gaw nau kahtet ai majaw lahpyaw hpyaw dat ai nga yang she dai sumri ashun awam wa ai da. Dai majaw mudi shayi hprawng sai ngu ai lam hpe chye ai majaw lagat wa yu yang mudi shayi nnga mat sai da. Mudi shayi hprawng ai hpang de hkan mat wa yang e gwi lawng lahkyi jahku tu ai rau hkan yang kawng langai mi lai yang gwi lahkyi langai ma di kawng jahku lai yang gaw gwi lahkyi jahku di mat nna si mat ai da. Jahkrai ma gaw dai kaw hkrap dung nga yang ji nu gaw "Jahkrai ma e hkum hkrap u nang na mudi shayi ngai hkan woi na dai gwi mang ngai hpe jaw u" ngu na jaw nna "Ngai magaw ai de magaw ngai magyi ai de magyi" nga na hkan nang mat wa yang htaw mahtum mahta lakang du maw ai kaw she dep ai da. Dai shaloi mahtum mahta ni gaw "Daini gaw nanhte shinggyim rau gaw mahtum mahta lakang dawm jinat madin dat sai yaw" ngu nna numhtet da ai da. Dai kaw nna gaw "Ya anhte hpe jaw yang gaw anhte gaw mayu re majaw gaw ntsin nnyeng dunggun hte tsu shat dunggun htingyawp ding hkang hte di nna anhte hpe jaw mi. "Jaw yang mung e nga jahkraw hpe mung ka-ang kaw na tawk la kau nna bai jaw di na nat htawt ngu ai kawa ding hkang hpe mung nhtang hku di na jaw mi" ngu na htet kau da ai da. Dai shani kaw na jinat rau shinggyim masha ni garan ginhka wa ai labau gaw dai kaw re.

Sources