Details

Latitude

25.234

Longitude

96.9165

Start Date

2017-02-10

End Date

2017-02-10

Ndai ya tsun na gaw num jaw num ya sha ai shani e ri nhtu jaw ya ri nhtu shaman matan ai ga re. Dai ni mali mung wang nhtoi mung san mali kaba nhtoi kaja hta e, ndai dama Marip ni gaw anhte Maran ni kaw e shayi dinghkawn hpyi ai nga nna ja gun na du, hpaga gun na pru ja gun ai mung nang hpaga gun nna shang ai majaw ngai kaji dwi hku nna jaw sumri gawan ya sumri dan mayu shakawn ya kun dawn sa ai law, dai ni ndai dama ni gaw sumnu yu dung wat mali hku ning dung sat ai majaw dai ni ngai kaji kaw na jaw sumri gawan ya sumri dan ai dai ni ndai ahkying aten kaw na gaw ndai sumpum gyin nyem zawn prat mahkan sung kung zawn mayat, sinyan marawt zawn lung, kanda chyinghkan zawn hpum, Ulang lai zawn re hkawn hkrat, tang lamai zawn pyawn n-na kamai zawn ja galu mai tsan zawn shayat, mayu dama lahkawng maga e makam hpun nu tai shawang myitsu rai, jaw summaw naw prat latsa hku htum hka yan tai, nhtum lamung rai, anhte jaw sha ai shayi sha mung kawa shalung ai kaw lung kanu shadung ai kaw dung, shalung ning hkri nga, shadung gumtawng ja, shadang myitsu hkrai shalat, shayi mung shaprat shadang myitsu hkrai shangai, mayat maya gumrawng lakyin lashan, lu lu lusu, nga mu nga mai, ja tam yang ja lu, gumhpraw tam yang gumhpraw lu amai ninghpa hkrai hta, atawng sinwa hkrai ja Ningran hkrai gale, tang shawa hkrai gabye, mali zai dung zawn hkangse baw zawn pyen, mali hka zawn la-ing n mai hka zawn sum hting, sinpraw jan pru ai zawn nga-ra wan rawn dingsan yat htaning yan hpra ning hta gaw madum buhpun hkan bai nu dai lup ning hpan bai tsu, bai gabye bai htang, kashu madung ai nga na bai wa kasha madung ai nga na bai sa, ja gun nna bai du, hpaga gun nna bai pru ya dai ni gaw jaw sumri mung yan sai, ja sumri mung dan sai, mayu shakawn mung ya sai, mali kungdawn mung sa sai, mayu shakawn lu, mali kungdawn pru nga nna kabu gara hte hkap tau la mu law.

Sources