Details

Latitude

25.234

Longitude

96.9165

Start Date

2017-02-10

End Date

2017-02-10

Myit galu ai hte nau n chye pawt ai num a lam re. Moi shawng de dinghku langai mi kaw e grai myit su ai num langai nga ai da. Masha kaga dinghku kaw gaw ah yan ga law chyu ga law hkat re na shan a dinghku gaw galoi mung n ga law hkat ai, madu wa gara hku ma mara tam timmung madu jan gaw grai myit galu ai hte madu wa gara hku mi mara tam tam n woi ga law hkat ai num langai nga ai da. Kalang mi shi madu wa gaw ya ndai lang gaw num ndai gaw wa kayet na re ngu na shingna hpun tawng hpai na wa ai shaloi madu jan gaw ga a na wa e dai ram ram ba yang me hpun bai hpai wa i, hpun tawng bai la wa ai gaw ngu na bai atsawm sha re bai hkap tau la kau ya re ai da. Re na kalang mi bai ndai num ndai gaw ndai lang gaw ga law hkat nan ga law hkat lu sa na re ngu na hkoi kawp hpe la wa ai da, masha ni chyup sha kau ma ai koi bai la wa ya da. Dai shaloi mung shi gaw la n dai gaw hkoi mung sha na mung n rawng ai mi la wa ai gaw ngu na she shi gaw grai myit galu ai hte u langai mi hpe bai sat ai da. U sat na u shan shan zin hpe sha a ma ni sha di tawk kau n htawm me e ah koi kaw e myit a galu mi she hkoi ze hte langai hpang langai bang di na shi la wa ai hkoi hpe shana de grai mu hkra bai shadu tawn da rai na galaw ai da. Dai majaw shi madu wa gaw dai na de chyawm gaw lu ga law hkat na sai ngu na bai wa ai shaloi hkoi shat mai chyup dat yu ai hte dai kaw shan sha na shat mai bai rawng taw re na n mai ga law hkat re na grai myit su ai hte hpang de gaw ga law hkat na lam hpe galoi mung n ga law mat ma ai da.

Sources