Details

Latitude

25.234

Longitude

96.9165

Start Date

2017-02-10

End Date

2017-02-10

Transcription (Lu Hkawng) Ya anhte i lanang ni ngu ai gaw moi bum ga de anhte ni gaw moi gaw laga bum ngu ai kaw nga ai re yang gaw nye ji ni gaw hpaw lam hkrai gap sha rai yang gaw tinang hkrai mung nsha nna yawng hpe e dan re na shana ai le lu ai dai hpawlam shan dan re lu tim e yawng hpe jaw yawng hpe shana ai nga shana ni dan re anhte gaw anhte labau gaw mi gaw tang bau tang la ni ngu ai re Nlam wa na Nhkang hpaula ngu sha mying wa ai nga nna nye ji nye jum ni a labau dai re dai kaw e ya tinang a kashu kasha ni tsawra myit n nga ai Karai Kasang a mungga grai n na ai ni shi gaw num la ten du wa kasha gaw n lu kasha gaw n nga re ai htawm e (aw chye) kanu mung nnga re kawa sha nga ai htawm e ''E na kawa she nga ai gaw na kawa kaw gaw n nga yang she ngai wa na na n-wa ngu ai hpe oh masha n nga ai de gun kau u'' ngu na kasha gaw ka wa re yang gaw ''Nye kasha e ka hkrai wa wa ai gaw hpa di na ma'' ngu ti kawa gaw san ai da. Kawa gaw hpa ntsun re ngut re yang ''Wa nang shang rawng u'' ngu na kasha kawa hpe kawa dawk re yang gaw gun hkawm wa ai da law kawa gaw ''E nye kasha e hkai re ma ngai hpe ma ning nga ai nam maling mala de gun hkawm wa ai gaw hkai di na wa hpe hkai di na'' ngu yang gaw oh krung sung ai kaw gaw ''Wa nang nga u oi'' ngu ai da. Dai hkra di da yang she kasha gaw htaw grai pa du sai da. Rai yang gaw ''Nye kasha e nang naw nhtang yu u Wa ga hkum mi tsun di ga nang de nhtang yu rit'' ngu na kasha mung htang re yang gaw ''Nye kasha ka ndai gun wa u ya nang mung madu jan lu yang gaw kasha mung lu na re kanam mung lu na re ndai gun wa yat nang hpe gun na ka ra na re ndai gun wa u'' ngu na kawa e kawa dan ngu na shi gaw myit malai lu mat nna ''E wa e sawk deng yang gaw bai wa ga'' ngu na bai kawa hpe gun wa ai da. Gun wa yang gaw ''E nye wa hpe n ra yang gaw nang mahtang nhtang wa u ngai gaw kanu kawa nga yang she ngai nga ai rai re yang gaw ngai gaw ya wa hpe dan di kau gaw n mai ai re nna ngai gaw wa rau gaw n hka lu ai wa hpe n ra yang gaw nang wa u'' ngu na madu jan hpe dan ngu jang madu jan gaw htang wa ai nga nna dan nga ai dai maumwi le i ndai sha rai sai.

Sources