Details

Latitude

25.234

Longitude

96.9165

Start Date

2017-02-10

End Date

2017-02-10

Transcription (Lu Hkawng) Ya tsun na lam gaw ndai matsan ma Nga rem ma hte sha lawa a lam re ndai jahkrai ma gaw masha ni kaw e Nga rem nchyang galaw nna masha ni a Nga chyu rem chyang sha ai ndai jahkrai ma wa gaw shani shagu jan ja tim mung marang htu tim mung shi gaw Nga rem hkawm re na shani shagu dan re Nga chyu rem hkawm dai nta madu ni, dai Nga nta madu ni mung shi hpe shani shagu shi hpe shat makai hte shat makai kaw e Udi shadu bang dat ya ya re ai da, Udi Udi shadu nna bang dat ya ya re yang she, lani mi na lak hta gaw shi gaw htaw Nga rem hkawm re nna dai shani shat sha ten du yang gaw shi gun sa wa ai shat makai htingpa hpe hpai re nna lagat hpun kaba langai mi a hpang kaw e shi gaw dai kaw wa hkring sa nna dai kaw shat sha na re ngu na sawn nna shi dai kaw sa wa ai, sa wa re yang she dai kaw gaw dai jahkrai ma Nga rem ma wa lagat hpun hpang kaw sa hkring ai hpe dai sha lawa wa gaw mu ai. Dai lagat hpun dai kaw gaw masha rim sha sha re ai sha lawa nga ai da. Sha lawa nat wa nga, sha lawa wa gaw yu nna she kabu sai, aw dai ni gaw dai ni bai ngai sha na matu shan gaw sa wa ra ai, ngai hpang de dingdung she a dingyang she sa wa nga ai, rai sai rai sai ngu she shi grai yu nna kabu taw nga, rai tim mung ndai shi kabu let la taw nga yang she, ma dai gaw shat makai hpe hpyen yang she Udi, Udi hpe yu nna shi yu nna ma dai gaw tsun taw nga ai, ''A baw hku sha na kun, n mai hku sha na kun, a baw hku sha na kun, lagaw hku sha na kun'' nga na tsun na rai jang she sha lawa wa gaw ''Ke ya gaw n jaw sai n jaw sai ''Ngai mahtang she rim sha ga ngu yang ya ngai hpe she lagaw hku sha na kun abaw hku sha na kun nga na she shi tsun taw nga ai ndai gaw ngai hpe mahtang she nhtang hku sha na masha she rai nga'' ngu na she '''Ndai gaw nye hpyen she rai sai'' ngu na sha lawa wa gaw kalang ta hprawng mat wa ai nga nna hprawng mat wa ai da. Dai majaw gaw hpa mung ndai ma dai gaw Udi hpe sha gaw gara hku abaw hku baw na kun, nmai hku, shawng hku sha na kun gara hku shawng baw sha na hkun nga nna shi sawn taw nga ai, dai majaw htaw shi hpe sha hkyen taw nga ai sha lawa wa gaw shi hpe sha na matu myit taw nga ai shadu nna abaw hku sha na kun, lagaw hku sha na kun, abaw hku sha na kun, n mai hku sha na kun nga ga hpe sha na nna sha lawa wa hkrit nna, sha lawa wa she nhtang hku hprawng mat wa ai nga ndai maumwi hpe anhte na ga ai dai majaw gaw hpa galaw tim mung myit yu sawn yu re nna atsawm sha galaw atsawm sha myit mang myit sawn sum ru yu nna e, galaw ra ai ndai Nga rem ma a maumwi hpe yu nna e anhte chyeju lu ai, dai majaw anhte hpa mi myit mang ai hta rai tim mung a kajawng kaja myit ra hkrup mara mi adaw atang hkrup mara dai hku na n galaw ai sha atsawm sha anhte myit mang nna e, dai hku atsawm sha hkrak tup re nna dai hku myit mang nna sawn yu nna galaw ai re yang gaw anhte lam shagu hta hkrat sum mat na kaw na mung anhte lawt lu na re nga ndai maumwi hpe tsun dan mayu ai hku re.

Sources