Details

Latitude

25.234

Longitude

96.9165

Start Date

2017-02-10

End Date

2017-02-10

Ya ngai bai tsun dan na maumwi gaw kanu a tsawra myit gaida hkan nu a lam hpe e tsun na hku re. Ya ndai mare langai mi hta moi shawng de mare langai mi hta e gaida hkannu langai mi nga ai. Ndai gaida hkannu gaw ndai kasha gaw shabrang tai wa re ten hta e ndai la kasha gaw hto dai mare kaw na num kasha langai mi hpe shi gaw ra ai, numsha 1 mi hpe ra. Dai re na lani mi na nhtoi hta gaw shanhte mare ting kaw na ni ndai nga nawng 1 kaw e nga sa hkoi ai. Nga sa hkoi re shaoi wa ndai gaida hkan nu mung shan 2 dai mare ting nga hkoi sa ai majaw nga hkoi sa. Ndai gaida num gaw myi mung nmu mat re majaw gaw masha ni zawn re na nga mung nlu, nlu hkan rim ai, nlu hkoi ai, dai majaw gaw hto hka kau hkan e masha ni nhkoi ai, hka hkra ni hka hkra ni hkan rim, jahkan ni hka rim re na e dai zawn re na e shi lu rim ai, lu hkoi ai, lu hkan ai, dan re na hka na nga kasha ni jahkan ni hka hkra ni sha hkan hta kahkyin na sha ni tup dai zawn re shakut na nga rim. Shi kasha mung ah nga ni hkan hkoi, nga ni grai lu ai retim mung kanu hpe e nga n wa jaw ai sha hto kasha tsawm tsawm re ah num sha tsawm tsawm re lu ai kanu, tsawm tsawm re kanu ni hpe she sha shi gaw nga ni hkan hkwi bang ya ai da, Shana de gaw nga hkwi ngut na yawng gaw kadai mung kade nta de wa mat sai, wa mat re shaloi gaw shana de gaw dai la kasha dai gaw sumpyi sha dum re na mare hkan e wam hkawm taw nga, dai shaloi gaw shat sha ten du wa gaw ngai hpe shat sha kadai shaga na kun nga na shi gaw la let sumpyi sha dum re na mare hkan gayin hkawm, wamhkawm taw ai. Retim kadai mung nsin sin wa hkra tim shi hpe shat sha kadai mung n shaga ai da. Dai shaloi gaw kanu gaw shani shi matsan mayen re na sa hkoi la ai nga kasha ni, jahkan ni, hka hkra ni hpe nta kaw atsawm wa shadu tawn na kasha hpe la taw nga ai. Kasha lawan n wa jang she mare de bai sa na ma e ma e, wa rit wa rit nu shadu da ai shat mai nu shat mai ni mung shadu tawn da sai. Shat wa sha rit nang nu hte shat wa sha rit, wa rit, wa rit ngu na e kasha hpe hkan sa tam na kasha hpe shat wa shaga jaw ai, dai shaloi kasha gaw myit malai lu mat ai. Aw dai ni ngai nu hpe nga ni n hkoi n hkan bang ya ai, masha ni e sha ngai nga ni hkan bang ya ai, ngai nga law law nga hkan bang ya ai rim bang ya ai ni gaw ngai hpe shat sha kadai mung n shaga ai, nu sha ngai hpe ning re na jaw sha ai, nu sha ngai hpe tsawra ai, ngai hpe tsawra ai nu a tsawra myit chyu sha tsawra myit majing rai nga ai nga na shi myit malai lu mat ai nga na myit malai lu ai lam hpe e anhte mu chye lu ai. Dai majaw gaw masha gaw nsam hpe yu na sha nsam hpe yu na sha sak n hkrung ai sha, kaja wa teng man ai tsawra myit gaw kanu kaw na kanu a tsawra myit hpe chye ai, kanu a tsawra myit hpe hkam sha ndai gaida kasha zawn, anhte gaw kaja wa tsawm ai hpe sha n yu ai sha, kaja wa tsawra myit rawng ai, tsawra myit majing hpe sha anhte ni tam na jinghku hku ai baw re nga ndai maumwi hpe e la kap na kashu kasha ni hpe sharin shaga ai maumwi re hpe e tsun dan ai hku re.

Sources