Details

Latitude

25.234

Longitude

96.9165

Start Date

2017-02-09

End Date

2017-02-09

Ya ngai kalang bai hkai na maumwi gabaw gaw hkawhkam wa hte myi nmu mat ai kanu kawa yen a kasha ndai dinghku hte hkawhkam wa na lam re. Moi ndai mare langai mi hta e ndai myi n mu ai kanu kawa gaw kasha 1 mi lu da ai da. Ndai mi nmu ai dinggai yen kanu kawa yen na kasha gaw ndai mare shingnawm de e shait ngu ai hka, ndai shait ngu ai chye ai le i, ndai shait ngu ai nam kaw na dusat dumyeng jahkyi shan nga ni sa chyu chyu re shait dai ma langai mi nga re da. Dai myi nmu ai kanu kawa yen na kasha shingtai ndai wa gaw shi gaw jawng gawng grai gawng ai da. Dai majaw shi gaw ndai shait sa chyu ai nam kaw na dusat dumyeng ni hpe ma shi gaw grai hkau ai da. Dai jahkyi shan nga ni hte shi gaw gayau gaya re na galoi ma shi gaw nga ai da. Dan re yang lani mi na aten hta e ndai dai mung na hkawhkam wa gaw shi mung ndai nga lagawn ai majaw shi mung e dai mare shingnawm de e sa hkawm chyai ai, re na shi mung ndai jawng gawng ma chye gawng ai da, dai hkawhkam wa ma, dai shaloi e shi gaw ndai shait kaw e sa hkawm ai shaloi she ndai myi nmu ai kanu kawa yen na kasha mung dai jahkyi shan nga ni hte rau sha nga taw ai shaloi she dai hkawhkam wa gaw ndai la kasha dai hpe shi yu yang gaw masha nre taw ai da. Shi yu yang gaw jahkyi shan nga zawn zawn re she ndai hkawhkam wa gaw shan nga re ngu na gap dat ai shaloi gaw ndai la kasha wa re taw ai da. Si taw ai shaloi gaw ndai shinggyin masha re taw ai hpe bai chye mat ai da. Ning re na byin ai shaloi e dai lam hpe e bai hparan na matu ndai (amat) salang ni hte e re na ndai lam bai jawm hparan ai shaloi gaw ndai si hkrum ai dai la kasha na kanu yen kawa hpe e ndai salang ni gaw san ai da. E ya nan a kasha ndai hku na byin hkrum mat sai re majaw gaw nan hpe e kade ram gara hku na galaw ya na ra ai kun, ndai na kasha hpe e ndai nan 2 mung myi nmu ai re majaw gaw ndai na kasha a malai ndai hkawhkam wa hpe e ja di bu jaw na mahtang ra ai kun, nre yang e nan myi mu hkra galaw ya na hpe ra ai kun ngu na san ai shaloi gaw ndai myi nmu ai ndai kanu kawa yen gaw shan gaw loi mi myi nmu timmung ndai zai gaw loi rawng ai masa nga ai. Re jang e dai myi nmu mat ai kanu kawa yen gaw ndai hku ngu na hpyi shawn ai da. E an 2 gaw ndai an na myi mung mu wa an a kasha mung ja di bu hpai na wa re na hpe e ra ga ai ngu na tsun ai shaloi e kaja wa bai byin wa ai mung dai hku sha byin wa ai da, shan a kasha mung si mat sai retim mung bai hkrung wa na she, ja di bu mung hpai re na wa ai shaloi e shan na myi mung mu mat re na she e mi shan hpyi shawn ai maren an gaw an a kasha ja di bu hpai na wa ai hpe e mu mayu ga ai ngu na hpyi shawn ai hte maren kaja nan dai hku na e kasha mung ja di bu hpai wa na shan kaw wa ai, shan a myi mung mu mat na shan nu wa ni gaw dai hku na grai pyaw na nga mat ai nga maumwi re.

Sources