Details

Latitude

25.234

Longitude

96.9165

Start Date

2017-02-09

End Date

2017-02-09

Transcription (Lu Hkawng) Ya ngai tsun mayu ai gaw moi ndai zawn re nat ni e ma shangai ngut ai num langai hpe woi mat wa ai lam hpe moi jiwoi jiwa ni hkai hkat wa ai num langai mi dai zawn re ai, ma shangai ngut ai hpang shi machyi taw ai aten e ma mung shangai ngut re ai hpang e she htaw mayu nta kaw nga nga yang e ndang ni sa chyawm ai da. Ndang nat ni gaw masha mali manga tsa du ai nga nna put e, bat e, rut e rat e ngoi she ngoi ma mung nya e nga hprawt e, hpyat e nga nna oh sadek ni gawk e gak e nga nna le dai hku na sa ai da. sa she dai machyi ai jan gaw kanu jan hpe ''E nu ji e le ndang ni ma jahkrap nga ai law'' nga kanu ji gaw htingbu kaw sa jahta nga ai da. Htingbu kaw sa jahta ai kaw na lagat wa lagat wa yang mung dai hpyen hprawng nta re nga gaw dai hpun sha chya yawng kaw koi ma jahkrap ai hte masha hpye la zawn zawn rut e rat e hkyep ding nsen ngoi ai hte nsen ai hte ndum gawut ai nsen ngoi ai hte kanu ji mung dai hku wa madat mau nna shan nu shanhte nta masha ni mung hkrit htingbu htingbyen ni mung la mung n nga ai da. La mung kadai mung hkawm mat ang na gaw dai num hpe mung chyawm yang gaw ndang ni hpe shachyut yang gaw lu na mi re n lu shachyut kau dat ai re le woi yan woi ngoi mat wa nna dai num jan gaw bat mi du wa ai hte gaw machyi si mat sai da. Machyi si mat nna dai ma mung lu kau da, ma mung lu kau da re yang gaw dai kagu kamoi ni gaw dai ma hpe gaw grai kaba hkra bau maka da ai. Rai nna ndai nat ngu ai amyu ni gaw ndai zawn re ma shangai ai aten hkan ni gying kya ai ni hpe gaw shanhte dai hku roi sha ai hku re ya law ma law anhte myu shayi ni ndang si ai ndang si ai nga ai gaw ma ma shangai ngut nna si mat ai ni hpe gaw yawng dai hku na sha mying mat wa ai ya dai num kasha dai hpe mung ma langai sha naw shangai yang dai re na ndang ni e sa chyawm woi mat wa ai ya nkau kau ndang chyawm ai ndan chyawm ai nkau kau gaw ma shangai ngut ai shaloi dan re ndang ni nat ni sa woi ai shaloi la ni nga ang yang gaw nhtu hte hkan gahtam sanat hte hkan gap re nna hkan gap je la ma ai da. Moi na ni gaw majap ni ju shamawng di na nhtu ni hte hpa hte di na sanat gap bun ai hte di na je la ai nga dai ya si mat ai jan gaw Zau lum lu ngu ai re Ga Awng jan re ya dai jan gaw si mat ai hku rai nga kadai n hkan lu je la ai majaw dai majaw ndai zawn re na byin ai ndai zawn re nat ja ai shara hkan na moi nat naw jaw ai aten hkan ni gaw grai hkrit tsang ra ai law malawng gaw anhte amyu shayi ni ma kanu ni majan sa ai hte bung ai hku re, dai majaw ma ba ai ten hta sha gaw madu wa ni ma nga ra ai hku re madu jan ni ma shangai ai aten gaw grai hkrit tsang ra ai shi hpe hkrai mung ma kanu hpe hkrai mung nau n mai tawn da ai. Shangai ai aten hkan ni gaw dai re nna ya nanhte ma ni hpa nchye ai moi na ni gaw yi wa yi sa rai tim hka ja sa tim la ni law ma law sin nang ai hku re ma hkum re ai ni hpe ma shangai ngut re ai ni hpe rai hkrut ai kaw du hkra sin ai hku re dai majaw yawng htawm de hpang de rai tim mung anhte ya kaba wa ai ni ndai zawn re maumwi ni hpe madat nna yawng sadi la chye ga ngu na tsun ai hku re ai law.

Sources