Details

Latitude

25.234

Longitude

96.9165

Start Date

2017-02-09

End Date

2017-02-09

Transcritpion (Lu Hkawng) Kawa dingla bungli n lu galaw mat nna n kam bau mat ai la langai mi nga ai da. Dai wa a lam rai na re, moi da, la langai mi gaw shi kawa gaw grai dingla hkra bungli n lu galaw hkra nga nga re ai da. Grai zinli yak ai hte shi gaw myit htum nna shi gaw ''Chye nye wa hpe n kam bau sai nam de sa gun kau na rai sam ai si mung n si hkraw re ai'' ngu na she ka kaba law ai langai mi galaw sai da. Sa galaw la na she kawa hpe dai ka kaw shang rawng shangun na nam de sa mat wa sai da. Kasha la kasha langai mung lu sai da. Dai lu she hkan nang sa re yang she, oh nam kaw grai tsan ai nam kaw du jang e, dai ka hte nawng dingla hpe sha dung kau da nna ma dai hpe bai woi mat wa ai da. Dai shaloi gaw shi kasha gaw ning nga ai da. ''E wa dai ka bai la wa ga le'' ngu yang she, ''Hpa di sa na law e'' ngu y ang ''Wa nang dingla jang bai gun kau ra ai gaw'' ngu jang dai la wa gaw myit sai, ''Ga dai hku nga jang ngai dingla jang nye kasha ngai hpe nye wa hpe gun kau ai zawn ngai hpe bai gun kau na, e n mai ai n mai ai dai hku re gaw'' ngu da sang bai nhtang sa wa nna kawa dingla hpe bai sa gun la nna atsawm sha di na bai bau kau nna nga mat ai da.

Sources