Details

Latitude

25.234

Longitude

96.9165

Start Date

2017-02-09

End Date

2017-02-09

Transcription (Lu Hkawng) Ngai asak shi lahkawng ning hta e, dai Myitkyina kachin su kaw nye ji-dwi Nahpaw tu nta kaw sa nga ai shaloi manang langai lu ai Miwa kasha Lau-nyaw nga dai wa hkai dan ai Japan amyu kaning re tai mat wa ai " Nang chye i " nga na she " Nchye ai " ngu yang " Ngai hkai dan na yaw" nga tsun ai dai lam ya ngai bai hkai na re ai. Moi ndai miwa mung e grai ma tse ai miwa hkawhkam langai nga lai wa sai nrai i dai wa gaw da kade daram matse ai ngu gaw eh htaw eh dai ( Hketan) gara shaning kun ( Hketan) grai ( Hkik-tsar) sai i ( Hke-tan ) kaw pyi naw dai shi e miwa mung hkaw kum ai bunghku gaw masha lam lai lam hkra re dai kaw e eh grai tsan ai shara mi kaw kin-ke ngu ga le langai langai gap da hkra re ( Hke-tan) kaw pyi lawm sai re lu e dai ni lawm hkra re bunghku kum ai nna nta ting ting bai hkrak nga yang gaw kawa yan kanu gaw nta masha ni sha na malu masha tam sha ra re tam sha ra raitim mung dai hkawhkam wa shangun ai dai bungli galaw na hpa jahpu mung njaw majoi mi shangun chyu shangun sha na dai kaw madu jan kasha ni mung kawsi na jam jau dai la wa mung bungli nau, nau galaw ndang hkam nna dai kaw si mat mat re ai ni mung grai nga ai da re na she dai kahtawng ting na num, shi wam hkawm sai kaw na gaw tsawm tsawm ai ma yawng mahkawn tsawm ai ma yawng shi la kau kau re da. Mahkawn tsawm ai ma yawng shi la kau kau rai na dai lani mi gaw grai tsawm ai mahkawn langai hte shabrang langai hkungran poi galaw ai sa mu ai da sa mu nna she dai dai hpe wa mung dai la shabrang wa sat kau ya na dai num kasha wa gaw shi hkawhkam hkaw de woi mat wa ai da. Woi mat wa na she madu jan shatai na ngu she " Nang hkawhkam wa nang ngai e, ngai hpe hkungran na nga yang gaw dai hkawhkam hkaw makau kaw na hka lawng kaba langai mi kaw e mana maka tsaw ai nang e mungdan mahkra mu lu ai ( Myaw-tsin) langai mi gaw naw galaw ya rit rai " ngu yang she galaw ya ai da galaw ya, galaw ya yang gaw, galaw ya ngut ai shaloi she shi gaw galaw ya nna ngut ai shani she shi gaw shi e miwa mungting hpe marawn jahtau kau dat ai da marawn jahtau kau ai " Ndai mung na hkawhkam wa nkaja dik ai hkawhkam wa gaw asak n galu ai si mat u ga law " ngu na marawn nna dai hka hkawng kaw e gumhtawn nna si mat ai da. Kade daram nkaja dai raitim mung hkawhkam wa gaw nhkru tik tik nhkru tik tik re na she shi gaw galoi mung nkam dingla ai da si ma nkam si dingla ma nkam dingla ai majaw gaw shabrang hkrai shabrang nga na matu tsi tam hkawm shangun ai da dai miwa mung na eh masha ni hpe e tsi sa tam wa ru ( su) " Eh hkawhkam wa e nmu tam ai law" ngu yang she nmu tam ai nga yawng sat kau hpung mi hpe bai shaga la eh nsi tsi hte shabrang nga ,nga baw tsi tam hkawm ai nmu ai ngu na she nmu ai nga nga ni yawng sat hkrai sat kau ai da sat hkrai sat kau koi kanang nga gara kaw nga kadai mi nga n a rai nsi tsi n dingla mat ai baw shabrang hkrai shabrang nga tsi gaw gara mungdan kaw mung nnga eh ya mau sai da miwa mung ting na ni gaw gar dai daram ram eh re hkawhkam gaw dai ram ram mung masha ni hpe dairam ram zingri sha na dairam ram matse ai hkawhkam gaw " Ya ma wa nga le shi e sat na ma wa nga ya kaning di sana" ngu shanhte gaw kalang mi na bai nsi tsi tam shangun ai dai ni gaw zen sai da hpaji chye ai masha ni kaw du mat sai da hpaji chye ai langai mi gaw sa tam hkawm grai na hkra sa tam hkawm dai tam hkawm ai shaloi na jarik ma jang she wa nna nmu ai nga ni sat kau kau rai na hku nga eh dai ni a jarik bai shagun dat sai da jarik gaw ma mat mu gaw nmu tam rai na she ndai hku myit la sai da shanhte jawm bawng la sai da hkawhkam wa hpe masu sha gaw ngu na jawm bawng la " E hkawhkam wa mu gaw mu da sai raitim grai yak ai " shata kru kru ting naw hkawm ra ai hte shata kru sha na malu masha hte e ninghtu ,ningwa arung arai nta kata kaw lang ai arung arai mahkra chyip chyip hte e grai tsawm ai la shabrang hkying mi grai tsawm ai mahkawn hkying mi dai hteng hpring nna shata kru sha na matu jarik jaga ni jahkum dat na shaloi lu tam na re" ngu tsun ai hkawhkam hpaji gaw nchye hkawhkam gaw galaw re gumchying gumsa prat na hkawhkam she nre sadawng shing re " E rai sai dai hku nga yang gaw ' nga nna she hkawhkam mana dai hpaji nrawng hkawhkam dai wa gaw jahkum ya sai da shata kru tup sha na watt nta dinghku langai kaw lang ra ai rung arai mahkra hkum hkra, hkum hkra re shabrang hkying mi mahkawn hkying mi nga jang gaw htinggaw hkying mi na ting shata kru sha na lajang dat ya sai da lajang dat ya dai arung arai dai hte sanghpaw galaw nna she sanghpaw li galaw shanhte gaw sa mat wa ai da panglai de sa mat wa na she dai zin-lawng kaw panglai ka-ang kaw zin-lawng langai mi nga ai, zin-lawng kaba langai mi nga ai dai kaw shara jahkrat nna shanhte dai mahkawn hkying mi hte shabrang hkying mi dinghku de sha yang gaw htinggaw hkying mi rai mat ai le , dai zin-lawng kaw htinggaw hkying mi rai na sa sa, sa de sha na sa nga mat ai da. Shingrai na law hkrai law, law hkrai law wa nna daini na aten hta gaw Japan byin mat ai da hpa majaw Japan ni tsawm a ta nga yang gaw miwa mung na tsawm grau dik ai mahkawn hkying mi hte e shabrang tsawm grau dik ai hkying mi hte e dinghku de sha ai htinggaw kaw na pru wa ai re majaw gaw tsawm ai kaman man re ai da Japan num ni gaw laika ma miwa hte e galoi sha bung ai da. Dan nga tsun dan ai ngai hpe shing rai Japan byin wa ai re da.

Sources