Details

Latitude

25.234

Longitude

96.9165

Start Date

2017-02-09

End Date

2017-02-09

Ya ngai hkai dan na maumwi gaw ndai gaida yen woi dwi a maumwi rai nga ai. Shan woidwi gaw kaga kashu kasha mung nnga sai, shan 2 sha nga na matsan mayen rai hpa mung nlu ai sha dai hku na nga taw nga ai kaw e shana de e dingla langai mi shan woi dwi kaw baw ahpraw re asak grai kaba sai dai wa shang wa na shang manam ai. Re jang gaw dai dingla wa hpe, shana de dingla wa gaw nan woi dwi gaw ula n lu ai i, ngu na san ai da. Re jang gaw shan woi dwi gaw hpa mung nlu ai, u mung nlu ai, hpa mung nlu ai re timmung lu ai ngu na gawoi dwi gaw dai hku tsun ai da. Re jang gaw shan woi dwi hpa nlu ai retim mung lu ai ngu na tsun ai hte maren dai dingla wa hpe nchye shangun hkra nang shanhte hku wat hku pru nna she hto htingbu ni kaw e sa la nna e dingla dai hpe shana de u dai sat jaw ai da. Sat jaw yang gaw ka htang kaw e shat makai ni hte e si htu si mai ni law re na e dai dingla wa hpe e sa jaw da ai da. Dai sa jaw da re yang gaw dai shana gaw shan woi dwi ni kaw yup ai da. Yup yang gaw hpang jahpawt sa yu yang gaw dingla dai gaw nnga mat ai da. Re yang gaw dai shi hpe sa jaw da ai dai ni hpe e dai dinggai jan gaw katawng kaw na shat makai ni mung nsha ya na gaw hpaw yu yang gaw ja tawng rai taw nga ai da. E dai majaw shan woi dwi gaw dai dingla wa hpe jaw ai gaw shat sa jaw ai retim mung sha woi dwi bai lu la ai gaw jatawng re. Dai majaw gaw anhte, shan woi dwi dai kaw na grai nga pyaw na nga mat ai da. Dai majaw anhte shinggyim masha ni gaw kadai retim mung kaning san re matsan mayen retim mung kaning re ah byak shalak re manam wa mi shang timmung anhte gaw nlu ai retim mung lu ai ngu na kaning re kaw na sha retim mung chye galaw jaw ra nga ai, ngu nna ndai gaida shan woi dwi a maumwi hpe e ndai hte hkai dan ai ga rai sai, chyeju kaba sai.

Sources