Details

Latitude

25.234

Longitude

96.9165

Start Date

2017-02-09

End Date

2017-02-09

Ya ngai tsun na gaw koiyan byin wa ai lam hpe tsun na re. Moi shawng de da ma myit nsu ai numsha 3 lu ai num langai mi gaw da shan nu wa ni gaw yi hkyen sha ai da. Yi hkyen bum yi hkyen sha rai, yi hkyen hkyen ai kaw na shan nu ni 3 la sha mung n lawm num sha ni hkrai hkrai re nga shan nu ni yi hkyen sha di na bum yi hkyen da ai da. Mam sa ting, nai ni hkrai, majap, shaba yawng hkai da ai da. Yi sun hkan yawng hkai da sai kaw na gaw kanu gaw tsun ai da, nye kasha e ya gaw nan nau ni 3 kaba sai re majaw tsing magang ai, aw nre, hkra sawm ai ni yi sawm ai ni, hpun tawng ni hpai kau ai, yi hkyen ngut yang wan nat, nat ngut yang hkra sawm ai, yi sawm ai mahkra nan nau ni sawm u ngu na kanu gaw shat ni hpa ni shadu jaw ai, yi sawm di mahkra woi galaw ai da. Hpa bungli ni nga ai ma hkra kanu gaw woi galaw yi ni sawm kau yawng sawm kau na she nai hkai, majap, shaba yawng hkai di na she mam ting sai da. Mam ni ting re di she mam ting ngut sai da, mam ni ting shan nu ni mam ting di she mam mung yawng ting ngut sai gaw nye sha ni e ya gaw tsing magang na, ah nu gaw mam dan ten sha sa sa na, ya tsing magang na hpa ni gaw nye kasha ni nan nau ni 3 magang tim pa naw ndai gaw ma ai. Ah nu galaw lawm nra sai, ah nu gaw nta kaw wa yaw, u yaw re di na nta kaw nau n ba ai bungli nta kaw galaw na yaw, nan nau ni 3 gaw yi kaw tsing magang re di na rai mu, u gawn tsing magang galaw mu ngu na she kanu gaw tsun da ai da. Shan nau ni gaw yi kaw sa di shani tup tup kanu mam htu di na n gu ni, jum majap shagun jaw ai da, dai ni gaw sha she sha, sha she sha di shani shagu yi kaw sa pyaw taw nga ai da. Shan nau ni 3 gaw ba la di nkam galaw na nga she kanu gaw dai mamting ai shaloi she da wa hpang kaw she wa hpang hpun du kaw she dai shaloi mamting ai shaloi na shingnoi langai mi dai kaw chyawp kau da ai da. Chyawp kau da re she chyawp kau da di na mamting ngut ai kaw na gaw kanu gaw yi nsa sai da. Mam dan ten du wa sai da, dai she masha ni gaw yawng mam myin mam dan sha na she nye kasha ni e mam n myin wa shi ai i ngu she, nmyin wa shi ai ngu da. Galoi san tim mam n myin, masha ni gaw mam nnan sha poi ni pa yawng galaw, shan nu yi gaw mam nmyin ai chyu chyu nga she gai ma nanhte e mam n myin ai ngu gaw nnga ai ngu tsun she, kasha ni wa dai hto ra kaw loi mi myin yang shan nau ni hkrai dan di sha kau htu sha kau, loi mi myin yang shan nau ni htu sha kau da. Mam mung nnga mat sai da, hpa mung nnga mat sai da, dai she kanu gaw nchye di e nan nau ni mam nmyin ai nga hpa mi rai rai ya mam dan ten rai sai masha ni pa yawng mamdan sai gaw, ya mam dan sa ga ngu na she shi nu gaw nta kaw na buri ni shingnoi ni mahkra sha na lu na ni mung yawng galaw gun di na she mam dan na matu hkan sa ai da. Hkan sa re yang gaw yi de hkan sa yang gaw mam mung nnga sai da, hpa mung nnga, u ni dai tsing mung n magang ai da. Dai shaloi yu dat yang she tsing mung n magang da, mam mung myin ai mung shanhte ni sha kau sai, mam mung ntu taw sai, tsing ni ma n magang nam maling byin taw ai, dai kaw she mamting ten e shi nu tawn da ai wa hpang pawt kaw dagup tawn da ai chyinghpang dai wa she hto lamu ndung de du taw nga da. Lamu ndung du she shi nu gaw dai hpe sa yu di kajawng na hku re nga, nanhte hpe tsing magang shangun ai, u gawn shangun ai wa mam mung nnga, nanhte yawng galaw kau sai kanu gaw gria myit daw di na she shi nu shingnoi dai hpe la di na chyen 2 di na shi gaw singkaw galaw di na shi gaw pyen mat wa ai da. Pyen mat di dai kaw na shi gaw ah she koiyan tai mat ai da. Koiyan koyan nga ginhtawng ta e shi gaw grai garen gari byin hkawm ai re da, dai koiya dai kaw na tai wa ai da.

Sources