Details

Latitude

25.234

Longitude

96.9165

Start Date

2017-02-09

End Date

2017-02-09

Transcription (Lu Hkawng) Ya ngai hkai na maumwi gaw moi shawng de na hpun kawa ni hte shinggyim masha ni a lam re. moi shawng de e ndai mungkan shinggyim masha ni hpe e, n nan hpan da ai ahkying aten hta da, shinggyim masha ni hte rau galaw lu galaw sha na shangun sha na dusat yam nga hpun kawa ni hpe kalang ta rau hpan da ai da. Dai shaloi ndai hpun kawa ni gaw ga chye saga ai aten rai nga ai da. Dai shaloi hpun kawa ni mung ga chye shaga ai, Nga ni dumsu ni dusat dumyen ni ma hkra ga chye shaga ai da. Shinggyim masha ni gaw galaw lu galaw sha gaw ra re yang she kawa sa gahtam yang mung kawa ni mung ga chye shaga ai da. ''Aka ka.. ka'' ngu na i.. anhte hpe hkum hkra mu, hkum shahpya mu ngu tsun ai she, nam sa hkyen, hpun ni sa gahtam rai yang mung ''Aka ka'' ngu na hkrap ai ni gaw hkrap i ''Anhte hkum gahtam'' ngu tsun ai da. Shinggyim masha ni gaw grai myitru ai. Galaw gaw galaw sha ra ai hpun kawa ni gaw ga shaga chye ai majaw dai hku tsun ai da. Ndai dusat ni hpe mung hkau na woi galaw re yang shanhte gaw ga chye shaga re gaw machyi jang gaw hkrap ai. ''A ka ka'' nga dai hku tsun ai da. Dai na hpang jahtum gaw shinggyim masha ni gaw myit htum mat ai, dusat dumyeng ni mung ''A ka ka'' nga shaga ai, ndai hpun kawa ni mung gahtam n mai ai lang n mai ai, lang n mai ai Wa hpang ni mung nmai hpya re nna grai myitru ai da. Dai shaloi ndai hpan ai wa hpe i.. ''Anhte ni grai yak ai ndai yi hkyen sha amu galaw sha na matu hpun kawa ni mung ga chye shaga ai majaw grai yak ai dusat ni mung ga chye shaga ai majaw grai yak ai dai majaw anhte hpe naw amyu mi hku naw hpaji jaw rit'' ngu ai da. Dai shaloi she dai hpan ai wa gaw i.. dusat ni hpe mung ga nchye shaga na hku shamat kau ya ai, hpun kawa ni hpe mung ga nchye shaga na hku galaw kau ya ai da. Rai na gaw dai hpang gaw ''Ya gaw hpun kawa ni ma ga n chye shaga sai dai majaw hkyen lu hkyen sha wa manu, dusat ni ma ga n chye shaga sai dai majaw shangun sha ma shangun sha mu sat ma sat sha mu'' ngu na i dai hku ahkang jaw dat ai shani kaw na anhte shinggyim masha ni gaw i nam hpe e hkyen nna gahtam nna nta ni galaw lang ai. Rai nna ndai yi ni hkyen sha hkau na ni waw la, dusat dumyeng ni hpe mung ndai u shat jaw nna shangun sha mu dai majaw ya dai ni du hkra dusat ni hpe e hkau na ni galaw shangun ai, u shat mung hkru hkru jaw ra ai, re nna u shat n jaw na shangun sha na mung n mai ai, rai nna u shat mung jaw ra ai shat sha na rai tim mung i shanhte hpe e yu nna she mai sat sha ai nga nna, moi kaw na anhte hpe hpan da ai dai hku tsun da ai matsun nga ai da.

Sources