Details

Latitude

25.234

Longitude

96.9165

Start Date

2017-02-08

End Date

2017-02-08

Transcription (La Ring) Ya ngai tsun na maumwi a gabaw gaw ndai manoi ru ngu ai ndai tsi ru ni gaw nhpa majaw namchyim hka ai ngu hpe ngai hku na tsun dan mayu ai hku re. Moi shawng de da mare kahtawng langai mi hta da masha ni machyi makaw ni grai hkrum ai ten hta da ndai ndai manoi ru gaw i manoi ru hpe masha ni gaw mu ai i. Manoi ru gaw i hpun hkan e noi ai majaw ndai hpe shanhte ni gaw i laklai ai hku mu la na manoi ru hpe gaw tsi hku shadu lu ai shadu chyai e dai hku ni galaw ai da. Mai mat re shaloi she ndai manoi ru gaw nhtuk ai hte nhtuk ai i. Mai mat timung ndai lapu kawa ai hkan e gaw nhtuk ai da. Nhtuk rai jang she i ndai mare hta da nga hkwi sa ai i. E shi gaw nga hkwi grai byin ai majaw shi hpe gaw nga hkwi La nga hkwi La ngu na shaga ma ai da. Ndai nga hkwi La gaw da hka lapu kawa ai da. Hka lapu kawa rai jang she shanhte gaw tsi nlu ai da moi prat gaw tsi jaw gawk ni nnga ai majaw ndai manoi ru hpe sha da hka lapu kawa re shaloi gaw i ndai hpa chyawm me byin na nre i raitim mung ndai manoi ru manoi ru hpe chya ai da. Manoi ru hpe chya re shaloi she i ndai manoi ru gaw ndai lapu ni achye ai ni hte nhtuk rai ndai masha gaw ndai lagaw bum wa ai da. Chya magang lagaw bum magang chya magang lagaw bum magang re ai da. Bum magang rai jang she kanu gaw pawt ai da kanu pawt na ma dai gaw dai hku dai nga hkwi La wa gaw nnga ma ai da. Nnga mat na she kanu gaw pawt na ndai manoi ru tu ai hpun kaw i dai mayen mahtwe na she "Htwe nang zawn zawn re hpun wa nye kasha hpe sat kau ya ai" nga na kalang bai masha langai bai mayen mahtwe shani shagu da. Moi na ndai masha ni gaw yi sa yi wa nga ai le yi ni hpa ni sa rai yang manoi ru hpun mu shagu mayen mahtwe ai da. "Htwe nang zawn zawn re manoi ru wa i nye kasha hpe sat kau ya htwe nang zawn zawn re wa i manoi ru hpa nbyin ai asak nhkrung ai ahpun wa ngai na kasha hpe ndai hku di kau ya ai" nga di grai pawt ai majaw manoi ru na ndai pawt kaw galoi mung mayen sa mahtwe sa mahtwe rai jang she anhte masha ni a mayen gaw i e dai hku manan ni hpa ni manam ai majaw i ndai manoi ru gaw ndai hku na wa i shaning ni grai na wa re shaloi i ndai manoi ru a ndai namchyim gaw da anhte na masha yawng a ndai mayen i ndai yawng jung kap mat ai majaw i ndai manoi ru gaw da e hka ai namchyim nga ai da. Ya ten du hkra timung da moi a moi gaw i ndai manoi ru gaw ndai hku na hka wa sai re majaw ya aten ya aprat du timung da ndai hkan e nga ai manoi ru ni gaw da ndai manoi ru ni a namchyim gaw da hka ai namchyim nga ai hku re da.

Sources