Details

Latitude

25.234

Longitude

96.9165

Start Date

2017-02-03

End Date

2017-02-03

Transcription (La Ring) Ya gaw e lahkawng lang ngu na shinggyim lat ai lam rai sai. Ginseng la shabrang gaw prat asak kaba wa yang u Ningshe La Ja hte Hpuntsin ma Nang Hpa yan a kasha hpungdim Kai Nang hpe la wu ai nga ai. Ndai yan a kasha ni gaw shadang la sha masum lu ai nga ai. Gam Shanghtoi Gam Naw Shanhkyeng Naw La Shanhpraw La ndai la kasha ni hpe shangai shaprat da sai nga ma ai. Ginseng la shabrang hte hpungdim Kai Nang yan a kasha Shanhtoi Gam Ba gaw prat asak kaba wa yang kanu a kanam Mahtum Kaw Ja hpe la wu ai. Ndai yan gaw shadang la sha kru lu ai. Gam Munghpan Gam Naw Shanhkyeng Naw La Dabam La Tu Mungnun Tu Assam Tang Danta Tang Yaw Shapawng Yawng Jinghpaw amyu a kaji. Yaw Shapyawng Yawng gaw prat asak kaba wa yang madai ma jan Hkawng hpe la wu ai. Shan gaw shadang kasha chyu kru lu ai. Gam Hkang Gam Naw Rawang Naw La Nung Lungmi La Tu Lamun Lasi Tu Tang Tangbau Tang Lhaovo Lachid Zaiwa Yaw Tingli Yawng Jinghpaw ni a kaji rai ai. Tingli Yawng prat asak kaba wa yang kanu a kanam Madai ma Ja Nga hpe la na rai yang mying nhkrum nrum ai majaw Tingli Yawng a mying hpe lai nna Jawa Rum Ja ngu shamying nna Madai ma Ja Nga hpe la lu sai nga ai. Ndai yan gaw dinghku de sa wa yang shadang kasha marai manga hpe shangai shaprat lu ai nga ai. Ndai kasha ni gaw Gam Marip wa Kum Ja Magam Naw Lahtaw wa Naw Lawn La Magawng La Tu Matsaw Nhkum Tu Tang Maran Yawpang Tang. Marip wa Kum Ja Magam gaw prat asak kaba wa yang kanu a kanam Madai nga Hpraw Nga hpe la wu ai. Shan gaw shadang kasha sut mu du ngu ai langai sha lu ai ngu ai. Sut mu du prat asak kaba wa yang Kang Kumju Shayi hpe la wu ai. Ndai yan mung shadang kasha langai sha lu ai hpe kaji a mying hkan nna Marip wa Kum Ja Magam ngu bai shamying ai nga ma ai. Ndai la wa gaw Tsit Gai Lung Nhkum shayi hpe la ai. Ndai yan gaw shadang kasha Wahkret wa Sing Gawng Magam ngu ai shadang sha langai sha lu ai. Wahkret wa Sing Gawng Magam gaw prat asak kaba wa yang num lahkawng la wu ai. 1) Magawng shawi shingtung kabang 2) Nhkum shayi Gai Lung ginlawng yan hpe la ai nga ma ai. Wahkret Sing Gawng hte Gai Lung ginlawng yan a kasha ni Gam Dingla Hking Gawng Naw Ngashun Dingmai Dawng Naw La Lahpai Daina La Tu Jasen Tu Tang Labyen Dingsa Tang Yaw Hprup Yaw Yawng Ten Hka Hkashu Hkasha ndai marai sanit hpe shangai shaprat da lu sai nga ma ai. Nambat lahkawng lang na shinggyim prat pra sa wa ai lam hpe ka lajang da ai lam rai sai.

Sources