Details

Latitude

25.234

Longitude

96.9165

Start Date

2017-02-01

End Date

2017-02-01

Transcription (Lu Hkawng) Ngai gaw ngai shangai ai gaw Sumpra bum lahta hpung-ing hka hkring gau kaw Shalen hkyet ga ngu ai kaw nga ai re. Shalen hkyet ga ngu ai kaw ndai hpung-ing hka gaw shara shara hkan htaw ra Danai hukawng pa zawn re na mana maka hpu re nna lamu ga mana maka moi prat gaw ka-ni yi ni galaw ai i, sun kaba ba law ai galaw ai, nbungli pa daram daram re ai nga ai. Anhte a Shalen hkyet ga ngu ai hpung-ing ngu ai shara kaw hpung-ing hka dai shaloi ndai Lajoi Lashu lajoi ya nan nga ai ndai Lashu Naw Awng amyu rai nga ma ai. Ndai Lajoi Gam ngu ai wa gaw kanu yan kawa a ga nau n madat ai ka-ni lu ai ka-ni chyu lu nna, ga nau n madat nna shan yan mung kabai kau da ai. Nra kau da ai, shi gaw kam ai hku nga mat ai dai Lajoi Gam ngu ai wa gaw shan yan a kasha dai wa gaw kanu yan kawa n ra mat wa nna rai nna dai kanu yan kawa gaw le hpung-ing hkahku mi tsun ai hte maren nang maga mung hka lai nang maga mung kalang lang hka lai, nang maga gaw ayan sha lai re zing lum hka zin lawng kaw yi galaw sha ai le i, yi galaw mam yi galaw sha na nga re, nga ai shaloi gaw hka mung lu, hka mung lu hka kaba ndai hka mawru kaba byin nna yawng dai hpun ni yawng lim mat wa sai. hpun ni yawng lim mat nna, dai shan yan a nta makau kaw gaw hpun, hpun naw hpun tu ai hpun naw hpun langai mi hpun kahtam yang gaw kya re baw lakung gaw law re ai baw langai mi tu ai. Dai de kaning nchyum di na she dai kanu yan kawa gaw dai de lung dung nna jahtau marawn ti nga ai. Jahtau marawn nna ''Hkye la mi law tau la mi law'' rai tim mung kadai mung nau n hkye la kam ai ngu ga le, hpa rai tim mung mi na shan yan e n ra kau ai kasha Lashu Gam ngu ai dai wa gaw kanu yan kawa hpe matsan dum nna, kawa wa ra ngu ai kawa wawn htu nna (Hpawng) galaw nna, dai hte sa nna sa hkye la ai. Moi na hka mung lu ai, Lajoi la ai ngu ma nga ai. Dai majaw tinang a kasha gaw kade ma nkram rai tim mung i mala la gaw n mai di ai tinang hpe hkye chye ai kalang lang gaw ngu ai i dai gaw kaja wa anhte kaw byin ai maumwi nan rai sai. (Mani nsen)

Sources