Details

Latitude

25.234

Longitude

96.9165

Start Date

2017-02-01

End Date

2017-02-01

Transcription (Lu Hkawng & Htu Bu) Shayi Num Sha Ni La Nau N Mai Lata Ai Lam re. Moi Yuma Sam Naw ngu ai hte Nga Ma Ja Pan ngu ai nga ai da. Nga Ma Ja Panngu ai gaw “Ngai gaw mungkan ga hta grau htum ai kaw she wa na.” nga ai shaloi gaw mungkan ga hta grau ai gaw Jan sha nga ai ngu ai shaloi gaw, Jan kaw wa na re nga Jan hpang de wa Jan shadang hpang de wa na ngu Jang gaw Jan wa bai Jan kaw yu ndai Nga Ma Ja Pan gaw “Nang kaw ngai wa na law. Mungkan ga kaw nang grau sai da law.” ngu Jang gaw e Jan wa shabrang e gaw “Ngai gaw n grau ai. Mungkan ga ye gaw ngai hta grau ai gaw ndai Mahtat Chyang Ning Ni ngu ai summwi nga ai re. Dai wa she ngai mungkan ga hta kade kahtet na nga nna nan dat tim mung dai ni shinggang kau yang gaw ngai yawng hpe n lu shinggan ai ram re. Dai majaw ndai Mahtat Chyang Ning Ni summwi wa she grau ai.” ngu ai shaloi gaw “Mahtat Chyang Ni-ni nang grau sai da le. Ngai nang kaw wa na le.” ngu Nga Ma Ja Pan ye gaw ngu Nga Ma Ja Pan ye gaw “Ngai gaw hkum grau u ga le. Bum she grau le. Bum kaba ni she grau ai re le. Bum gaw ngai grai ngan re Bung n-gun dat nna bung sa wa tim mung Bum kaba gapat jang gaw dai hta lai nna ngai n lai lu ai. Bum ye shinggang kau na yawng dai Bum kaw na adawt bra mat wa ai re ai. Bum grau ai.” ngu dat ai da. “Deng gaw Bum nang kaw ngai wa na. Nang gaw ndai mungkan ga hta nang grau ndai le.” ngu Nga Ma Ja Pan ye dai hku ngu “Nang hta ngai wa na re. Nang ngai hpe la rit.” ngu yang gaw Ndai Bum wa mung gaw “Ahh ngai gaw hkum grau u ga le. Ndai Nga Wuloi she grau law. Nga Wuloi Wula she grau law. Nga Wuloi Wula gaw ndai nye Bum pung din kaw ndai shi a jit dum hpre nna wu-lu shatai nna nye a Bum ni yawng jahten kau ya ai. Wu-lu shatai nna ding di nye a hkum hpe e Bum tsawm la ai hpe wu-lu shatai nna jahtyen kau kau di ai le.” nga yang gaw “Nga wu-loi dingla nang kaw ngai wa na le Nga Wu-loi shabrang ye.” Ngu jang gaw “Ngai gaw hkum grau u ga le. Ndai ngai hpe gaw shinggyim masha e manai sumri rit dat jang Manai sumri e rit shingka nna a dun la la di nna sat sha sha di ai she re gaw ngai hpe. Dai majaw ndai manai sumri wa gaw ngai hta grau ai. Ndai shinggyim masha ni mung manai sumri n lawm jang gaw, ngai hpe gara hku mung n gyit lu ai re. Manai sumri she grau law.” ngu jang gaw, “Manai sumri nang grau ai da le. Nang ang wa na lo.” ngu na bai tsun ai. “Ngai gaw hkum grau u ga le. Ndai shinggyim masha ni rup ding det da rup hkrang de sa ai shaloi ndai Yu Ma Sam Naw ye ahkyet di kau nna yawng adaw achyen tai mat wa nngai.” ngu dat ai da. Shaloi gaw Yu Ma Sam Naw hta shi wa ra mat wa ai da. Dai majaw num ma ni mung i tinang hte ang ai hte maren gaw la na nga jang gaw wa ra ai lachyum. Daini la lata na nga jang gaw i grau ai nau n mai lata ai nga lachyum e dai hpe mu lu ai re.

Sources