Details

Latitude

25.234

Longitude

96.9165

Start Date

2017-02-01

End Date

2017-02-01

Transcription (Lu Hkawng) Tsun nna ngai hkrai na maumwi gaw mauhpa atsam rawng ai Karai Kasang nga maumwi re, Israela mungdan hta hkawhkam Arhap hte shi nta masha ni gaw da, Karai Kasang hpe n nawku ai hta sha n ga na Bala hpara hpe sha shanhte gaw nawku ai majaw dai mungdan hta masum ning tup marang nhtu mat ai. Dai majaw shanhte mungdan na masha ni gaw hka hkyet mat ai grai jam jau mat ai lam hpe shanhte hkrum sha ma ai da. Dai majaw Karai Kasang a myihtoi rai nga ai ndai Elisha ngu ai wa gaw akyu hpyi yang e,hka marang htu wa ai re ngu hpe ndai Hkawhkam wa chye ai majaw shi masha ni hpe ndai hkawhkam hpe e ndai Elisha Elia hpe sa tam na matu ndai hku shangun dat ai da. Dai shaloi ndai ni mung masha mung Elia sa tam wa ai, sa tam wa na ndai Hkawhkam wa hte wa jahkrum ai Hkawhkam hte hkrum ai shaloi gaw ndai Elia gaw ndai amyu masha ni hte e Bala myihtoi ni hpe e tsun ai, "nanhte anhte hte rau rai na ndai Caramela bum de anhte yawng zuphpawng ga" dai shara kaw hkrum ga ngu na shi htet dat ai nga Elia gaw dai amyu masha ni hpe e tengman ai Karai Kasang hpe sha nawku na lam hpe e shi gaw tsun shadum da ai da. Dan na Elia gaw hkungga nawng ai shaloi U Su lahkawng la sa na hpe ma shi tsun dat ai da. Dai hkungga nawng ai shaloi da wan nchyi ai sha hkungga nawng na hte wan hte htan ai Karai Kasang gaw,Karai Kasang gaw tengman ai Karai Kasang re ngu na shanhte myit hkrum let shanhte hkap la da ma ai da. Bala myihtoi ni gaw shanhte dai shaloi dai hkungga nawng ai shaloi Bala myihtoi ni gaw da shanhte ni gaw sai pru hkra rai na shanhte ni e jahtau na akyu hpyi ai machyi hkam ai, raitim mung Bala hpara hpe shanhte gaw shan, shanhte hpe hpa tsun bai nsen, dai shanhte na Bala hpara kaw na nsen na lam mung nnga ai shamu shamawt wa lam mung nnga ai da. Dai majaw,ndai dai hpang she Elia gaw da shi gaw shi bai hkungga nawng na matu shara hpe e nlung ma hte e hpun tawn galaw, tawn hkrungri hpe e galaw na da dai tawn hkungri makau hku mung i hka hkawng ni hpe htu tawn da hka hkawng htu tawn da ai dai hka kaw dai hka hkawng kaw mung hka bai bang rai na shi dai hku galaw shangun ai da rai na Elia gaw dai hku galaw na she e Elia gaw akyu bai hpyi Karai Kasang kaw akyu bai hpyi rai shaloi gaw ndai lamu kaw na wan hkrat wa ai hte ndai hpun ni mung yawng hkru mat wa ai hka hkawng ni mung yawng hkyet mat wa ai da. Dai hpe e mu mada ai dai kaw sa ai amyu masha ni gaw grai mau mat wa ai majaw aw Elia galaw ai ga gaw ndai bungli gaw kaja wa tengman ai Karai Kasang she rai nga a hka nga na shanhte ni mu mada ai hte shanhte ni gaw kaja wa hkap la nna shanhte ni gaw yin la ma ai da. Dai rai na dai kaw sa du ai myihtoi Bala hpara,Bala myihtoi ni gaw da dai ndai Elia wa gaw shanhte hpe e woi mat wa ai ,htaw Hkisham ngu ai hka kau de e woi mat wa ai na yawng hkra hpe sat kau ai da, sat kau na she ndai ya Elia gaw i kaja wa shi akyuhpyi ai shaloi gaw masum ning tup nhtu mat wa ai marang mung bai htu wa ai da dai rai na ndai Karai Kasang a atsam ngu gaw i kade daram kaba ai Bala hpara gaw kade daram gara hku kaning re ngu hpe i e dai hku na shing daw dan ai majaw, ndai Karai Kasang gaw grau htum ai Karai kasang re ngu hpe e tsun dan mayu ai re .

Sources