Details

Latitude

25.234

Longitude

96.9165

Start Date

2017-01-31

End Date

2017-01-31

Ya ahdwi hkai na maumwi gaw dusat magam hkanghkyi hte grai kaji ai yu a lam re. Ndai hkanghkyi gaw dusat ni yawng hta e shi gaw hkawhkam rai nga ai. Dai hkawhkam wa dai hkanghkyi hkawhkam gaw lani mi hta shi gaw grai lu sha hkru grai lu sha pyaw re na shi gaw hpun langai mi a npu kaw e shi gaw wa yup taw nga ai. Shi yup taw nga shaloi sh gaw ah kajawng sha rawt wa. Rai na nye hkum hku hpabaw lai wa i ngu na ning ngu hkan yu ai shaloi yu kasha langai mi makau kaw e hkawm taw nga ai hpe mu ai shaloi shi gaw pawt na she dai yu hpe hkan rim ai da. Nang kachyi sha law dai hku galaw ai ngu na pawt na hkan rim ai shaloi yu hpe lu rim ai shaloi yu gaw tsun ai, nang gaw hkawhkam re ngai gaw grai kaji ai ah kip ah kap san re i yu kasha she re dai majaw ngai hpe gaw hkum sat rit ngai hpe hkyem sa jaw rit ngu nan hpyi ai shaloi dai kaja wa sha dai hkanghkyi hkawhkam mung dai yu kasha hpe dat kau dat ai da. Dai shaloi lani mi hta hkanghkyi gaw bai hkawm sa wa re shaloi she masha ni na mahkam kaw e lu ai da. Mahkam kaw lu ai dai mahkam gaw ning nga na dagup ai baw sumgawn zawn re mahkam kaw sa lu na shi gaw gara hku kadau magang grau ah hkang magang kadau magang ah hkang magang re jang shi gaw marawn ai da. Ngai hpe hkye la myit lo loh ngu na grai marawn taw ai shaloi mi shi dat kau dat ai yu kasha gaw da dai hkanghkyi na nsen na na she wa ai da. Wa nna hkum tsang nang ngai na jinghku re nang moi ngai hpe e nsat ai ngai hpe dat ai majaw dai ni na asak hpe ngai bai hkye na ngu na dai sumri ni hpe yawng shi wa hte e kawa di kau ai da. Kawa di kau na dai hkanghkyi hkawhkam mung dai kaw na asak lawt lu ai da. Dai re majaw ndai mungkan hta e kade kaba hkyik hkam ai wa raitim mung tinang hta gyit nem ai wa a garum shingtau ai nra ai masha gaw nnga ai. Dai majaw anhte grai hkyik timmung nmai gumrawng ai grai kaji ai ngu na raitim mung anhte kaji ai ni hpe e karai kasang jai lang ai shara nga ai ngu nna maumwi hpe ndai kaw hpumdim sai re grai chyeju kaba sai.

Sources