Details

Latitude

25.234

Longitude

96.9165

Start Date

2017-01-26

End Date

2017-01-26

Moi ndai loije hte rau anhte ndai Jinghpaw mung Myitkyina na ga ndai lam lapran mali hka lapran kaw byin lai wa ai lam hpe tsun dan na. Ndai moi gaw ndai ya na zawn mawdaw lam ni nau nnga ten hta, miwa hkran kaw na lagaw leng ni hpe ndai myitkyina myo de shalai sha ai ndai hpaga la ni gaw shanhte ni lagaw ni hpe shahte dai hku na hka lam hku na shanhte la wa htaw na ndai myitkyina myo kaw wa dut ai hku re. E aten hta lam kaw shanhte hka jak li hte rau shanhte lagaw leng ni hpe shanhte htaw wa ai da. Dai hpaga la ni gaw htaw wa re shaloi she, shanhte tsa ni mung lu da na shana shanhte wa lam kaw gaw jan mung du wa sai, hka jak lu re majaw hka kaw nsin gaw nmai gawt ai majaw shanhte raitim lu hkawm ai ram hkawm jan rai du ndu re ahkying aten du hkra hkawm,Jan grai du mat hka jak li nmai hkawm na ahkying re ten hta shanhte gaw lam kaw hkrit nna mali hka kaw hkring re shaloi she dai mali hka kau lapran kaw she poi galaw taw nga ai mare langai wan mung grai san tsawm na poi galaw taw na ngu na shanthe gaw dai mu mada ai majaw shahte gaw dai shana gaw dai kaw hkring na dai kaw poi ni sa shanhte poi ni sa na muk ni mung mari sha,Gumhpraw ni mung jaw hkat, ka ai da hpa da, shanhte dai shana tup poi kaw shanhte shang lawm rai na shanhte gaw tsa mung nang da re yup ai pyi ndum mat hkra shanhte yup malap mat ai. Dai hku re na shanhte lagaw leng rai ni mung dai hka kaw jak li ntsa kaw tawn da. Shanhte mung shana dai poi lawm, re na mari ra ai mari sha lu ra ai lu, shanhte shana tup dai kaw wam hkawm let jahpawt nhtoi htoi ai shaloi shanhte dum wa ai shaloi gaw dai shara wa poi galaw ai mare shanhte gaw shana mu ai shaloi gaw mare shinggyim masha ni nga taw ai nam mare langai mi ngu shadu taw tim,Shanhte jahpawt yup rawt ai shaloi mare nre hpa baw wa byin taw i nga dai mare kaw wa she lup wa kawng kaw she shanhte wa hkring wa yup taw re da. Dai lup wa kawng kaw shanhte wa yup wa hkring taw ten hta shanhte mari sha ai dai gumhpraw ni gaw gumhpraw nre da namlap ni byin, shi gaw namlap ni gaw ayai aya rai na shanhte gaw dai kaw yup malap taw lup wa kawng rai taw. Dai majaw shanhte ni grai hkrit kajawng hpang e gaw jan du shaloi shanhte gaw galoi nhkawm mat wa ai da. Dai kaw ding re nam kaw ding re na nhkru nshawp ai nat tsadan ni nga shara hpe shanhte chye kau ai majaw shanhte hpang e shanhte grai hkrit kajawng na dai zawn re hpe shanhte lam hkan shana nsin shanhte koi mat wa ai nga hpe na ga wa ai. Ndai kaja wa byin lai wa ai lam ni re.

Sources