Details

Latitude

25.234

Longitude

96.9165

Start Date

2016-12-15

End Date

2016-12-15

Moi shawng de da mare langai kaba langai mi kaw shan nau ni nga ai da. Shan nau maria 2 nga ai da, lasha gaw magam hte manaw re ai da. Magam hte manaw shan nau gaw da magam gaw da kanau hpe ntsawra ai da. Retim mung manaw gaw kahpu hpe grai tsawra ai da, tsawra re she shan hte ni gaw da lani mi na nhtoi dai (myo) kaw nga ai da. (Myo) kaw nga re she lani mi na, shanhte ni gaw da (myo) kaw nga re she kawa gaw shanhte ni gaw oh grai tsan ai de sun galaw, shanhte ni sun grai law hkra lu na hku rai nga sun grai law hkra lu re she, sun grai law hkra lu re she, dai shanhte ni gaw kawa gaw da magam hpe ma magam e maw nang hpe sun langai jaw na nawnaw, nawnaw hpe ma sun langai jaw na ah gam hte naw naw sun langai langai la u ngu tsun ai da. Langai langai la u dai kaw na galaw u magam ma sun langai galaw manaw ma sun langai galaw shan nau sun arau galaw, arau gaw nre langai langai galaw ai da. Galaw reng she lani mi na nhtoi hta da shanhte ni gaw da galaw reng she magam na magam na sun kaw na mung grai tsawm ai da manaw na sun kaw na mung grai tsawm ai da, grai tsawm re she lani mi na nhtoi chyeju dum poi du wa ai da. Chyeju dum poi du wa reng she shanhte ni gaw da chyeju dum hkungga ngu na tinnag lu ai kaw na sa di na sak jaw ap nawng ai da. Dai she magam gaw da grai tsawm ai shi na sun kaw na pru ai grai tsawm ai namsi namsaw ni mam ni grai tsawm ai shi gaw chyeju dum poi kaw sak jaw ap nawng ai da. Magam wa gaw shi gaw shi na sun kaw na lu ai ah kyip ah kap san re ni sha la di na sa jaw ai da. Sa jaw reng she kawa gaw da tsun ai da kawa gaw tsun ai da magam hpe gam e nang hpa baw byin na dai hku sha jaw ai ma ngu na tsun ai da, ah wa da dai zawn zawn re chyeju dum poi kaw jaw kau yang gaw ngai na dai sun kaw na grai tsawm ai ni hpa baw hte dut sha na dut sha na matu nnga yang gaw ngai gaw gumhpraw nlu sai gaw ngu na shi dai hku tsun ai da. Dai hku tsun re she kawa gaw da shi hpe dai hku tsun re she kanau hpe gaw grai shakawn ai da, nawnaw da nang gaw grai myitsu ai nang grai chye ai da, nang ndai zawn re tsawm ai karai kasang hpe chyeju dum poi hta hkungga sak jaw ap nawng ai a marang e grau na nang shaman chyeju lu na re ai ngu di na kasha hpe kasha manaw hpe gaw shakawn di na shi na shi jaw mayu ai shi a myit masin hkungga jaw mayu ai, kaja wa nan sha shi na sun kaw na grai tsawm ai arai ni namsi namsaw ni yi sun hkauna kaw na shat maw shat mai ni jaw ai da. Dai majaw kawa gaw shi hpe shaman chyeju grau lu u ga nga na tsun ai da. Retim mung da kahpu gaw da shi gaw shi a myit masin nan ntsawm ai shi gaw manang wa hpe manawn ai myit masin rawng ai shi hkrai shi tinggyeng myit rawng ai, shi dai hku jaw kau ai majaw shi n lu mat na re shi tsang ai majaw kawa gaw da shi hpe hpa ntsun ai sha shi hpe shaman chyeju ma njaw ai da. Gabaw gaw gabaw gaw, tsawm ai hkungga tsawm ai hkungga.

Sources