Details

Latitude

25.234

Longitude

96.9165

Start Date

2016-12-15

End Date

2016-12-15

Transcription (La Ring) Ga baw gaw hkanghkyi hte yu na lam. Moi shawng de da nam langai mi kaw da shanhte ni nam langai mi kaw da dusat dumyeng ni grai law hkra rai na nga ai da. Grai pyaw hkra rai na nga re she lani mi na nhtoi hta da hkang hkyi gaw grai pyaw hkra rai na yup pyaw taw ai da. Yup pyaw taw re she dai wa she ayu gaw sa lai dat ai da. Sa lai dat ai wa she yu gaw grai lawan hkra rai na lai dat ai wa she hkang hkyi na amun kaw wa gang hkrup da. Hkang hkyi na amun kaw sa dip hkrup di na she hkang hkyi gaw shi gaw grai kajawng di na she kajawng di na she "Kadai wa shi hpe hpabaw galaw sai kun" ngu na kalang ta shi na makau kaw nga ai yu hpe gra di kau ai da. Yu hpe gra di kau yang she shi na lata kaw yu wa rawng mat ai da. Rawng mat rai yang she hkang hkyi gaw tsun ai da "Ngai dai ram ting yup pyaw taw nga ai nang hpa na ngai hpe dai hku sa galaw ai rai. Nang hpa na ngai na amun sa dip ai rai" ngu di na tsun ai da. Yu gaw "Grai tawngban ai lo da ngai nmu kau di na re ai da. Ngai hpang e rai yang nang hpe koi kau na" ngu tsun ai da. Dai she "Hah nang koi kau na nga ngai gara hku lu kam na da. Ngai nang hpe kawa sha kau yang mai ai yaw ngai nang hpe gawa sha kau na" ngu na tsun ai da. Shaloi gaw yu gaw tsun ai da "Ngai hpe hkum gawa sha da ngai lani mi na nhtoi hta ngai nang hpe karum na" ngu na tsun ai da. Dai she hkang hkyi gaw "Ha ha ha ha nang wa i lani mi na nhtoi ngai hpe karum na nga nang zawn san re mate sha law ai ayu wa mi ngai hpe karum na ngu gaw nmai byin ai gaw" ngu na tsun ai da. Dai she hkang hkyi mung shi hpe sha kau timung shat gaw nhkru na re shi chye ai majaw "E e e rai sai rai sai nang hpang kalang ngai hpe dai hku hkum galaw dai hku hpang kalang ngai na shawng hku dai hku atsawm sha lai u. Ngai hpe hkum hkra sanu" ngu tsun ai da. "E lo grai chyeju kaba sai" ngu di na shi gaw sa mat ai da. Sa mat ai shaloi she dai wa she lani mi na nhtoi hta she masha ni grai law hkra sa di na masha ni gaw da shanhte ni gaw mahkam hkam da ai da. Mahkam hkam da re she dai kaw mahkam hkam da re she dai mahkam kaw wa she hkang hkyi dai wa shang mat ai da. Shang mat ai shaloi gaw dai masha ni gaw ndu shi da shanhte masha dai ni gaw shana mahkam sa hkam kau da rai yang she dai shana gaw hkang hkyi shang. Shang mat re yang she dai masha ni ndu wa shi ai dai shaloi gaw hkang hkyi gaw shi gaw dai mahkam hkam da ai kaw na shi gaw kade shi kade shamyan yu tim nlu shamyan ai da. Nlu pru ai da nlu pru jang she shi gaw marawn jahtau ai da. "Roo roo" nga na shi gaw marawn jahtau ai da. Dai hpe she ayu gaw shi gaw na ai da "Yi ndai hkang hkyi na nsen rai nga ai" ngu di na shi gaw na di na she kagat na sa yu yang kaja wa sha hkang hkyi rai taw ai da. Dai she gai jahpawt gaw ndu shi ai da. Jahpawt gaw ndu shi ai wora ni gaw sa wa sana da. Dai she yu mung da "Matsan shayen" nga na she shi na grai dai ai wa hte dai hkang hkyi na dai shi hpe hkam da ai mahkam hpe gawa di ai da langai hpang langai gawa di langai hpang langai gawa di gawa di gawa di re she hpang jahtum gaw da dai masha ni ndu wa shi ai shaloi hkang hkyi hpe shi na dai mahkam kaw na yu gawa di ai a marang e lu shaw la kau ai da. Lu shaw la kau rai yang she hkang hkyi gaw da tsun ai da "Yu e da nang hpe da ngai grai chyeju dum ai yaw da. E ya ngai chye sai da kaji sha law ai masha ni raitim mung da kaji sha law ai masha ni raitim mung da ngai gaw da nang hpe kaji sha law ai wa mi raitim mung da anhte zawn re kaba ai ni hpe lu karum a hka" ngu di na tsun ai da.

Sources