Details

Latitude

25.234

Longitude

96.9165

Start Date

2016-12-15

End Date

2016-12-15

Jahkrai ma langai mi hte lalaw ma nga ai da. Jahkrai ma ngu gaw kanu mung kawa mung nlu mat sai hpe jahkrai ma nga nga ai, jahkrai ma ngu tsun ai. Lalaw ma ngu gaw shanhte ni nta kaw la kasha shan nau ni la kasha grai law hkra nga ai dai majaw lalaw ma ngu na tsun ai da. Jahkrai ma hte lalaw ma dai jahkrai ma gaw da shi gaw nam de sa na mahkam hkam ai shaloi ga kaw hkam da ai da. Dai she lalaw ma hkan nau ni gaw gara kaw sa hkam ai i nga yang oh hpun ntsa kaw hkam da ai da. Hpun ntsa de hkam da re yang she dai hpun ntsa kaw hkam da ai she shanhte ni gaw dai lalaw ma ni shawng shanhte jahpawt hkam da ai shana maga de lalaw ma ni shanwg du ai da. Dai mahkam hkam da ai kaw lalaw ma ni shawng du re she shanhte gaw shanhte na kaw gaw shanhte na dai mahkam hkam da ai kaw gaw dai hpun grai tsawra ai ntsa kaw gaw mahkam hkam da ai gaw hkawngrang u nga dai lu ai da. Dai lu she dai jahkrai ma na mahkam kaw wa she jahkyi grai tsawm ai lu ai da. Kei dai she shanhte ni gaw myit sai um ndai wa na ndai wa na jahkyi hpe anhte na oh hpun ntsa de anhte na mahkam kaw tawn da na anhte na hkawngrang u hpe jahkyi hpe galai tawn kau ga ngu di shanhte ni gaw dai hku shan nau ni dai hku nyan ai da dai lalaw ma ni dai hku nyan di na she shanhte ni dai hku galaw kau dat sai da. Galaw kau dat re she shanhte ni gaw de yang she dai la kasha mung jahkrai wa gaw hpang e she du wa ai da, hpang e she du wa na shi gaw mau sai da. Koi jahkyi shi lu ai shi na jahkyi gaw shi ga kaw hkam da ai kaw gaw u lu di na shanhte hkam da ai mahkam gaw jahkyi lu taw nga ai, shi gaw nrai sai ngu di na shi gaw dai hku myit ai da. Re timmung dai lalaw ma ni gaw shanhte ni gaw ah kyang n kaja ai re di na shanhte dang sha na she shanhte gaw mare de sa re yang she mare salang hpe bai tsun ai da, mare salang kaw tsun aw mare salang hpe ndai amu hpe hparan ya na matu tsun ai da. Dai she shanhte ni la taw sai da, jahkrai ma mung la lalaw ma ni mung la taw sai da, shanhte ni shanhte lu da ai dai hkawngrang u hte jahkyi shanhte la taw sai da, dai arai ni shanhte lu da ai mahkam hkam da ai lu da ai rai ni hte shanhte ni mahkra la taw sai dai she kade la tim nsa wa ai da, nsa wa re she hpang e loi mi na ai shaloi she dai mare salang gaw sa na hku rai nga. Mare ah gyi wa mare salang wa sa wa ai da sa wa na she tsun ai da. Lalaw ma ni gaw tsun ai da hpan a dai ram tim na ai ma hpa na dai ram ram ting jau jau nsa wa ai ma ngu tsun she dai mare salang wa gaw tsun ai da oh da zai bru jang kaw da wan hkru taw ai majaw da zai bru jang kaw wan hkru taw ai majaw zai bru jang kaw wan hkru taw ai majaw ngu tsun ai da. Zaibru jang kaw wan hkru taw ai majaw ngu tsun ai da, dai yang she shanhte ni mung zaibru jang kaw wan hkru taw ai majaw re ai ngu ai da dai kaw ngut ai hpang da kachyi mi bai sa wa yang sharaw wan hkru taw ai da sharaw hkru taw ai ngu gaw nam kaw na shi na shi hkrai hkru wa ai wan shi na shi hkrai hkru wa ai dai zawn re sharaw hkru taw ai kaw she ngai wa she katawng hte singga de hka jaw taw ai majaw dai majaw hka jaw na sat taw ai dai majaw ngai na taw ai re ngu na tsun yang dai lalaw ma ni gaw tsun ai da, har da singga hte sharaw wan hkru ai ngu hpe gaw gara hku na mai jaw sat na da. Zaibru jang kaw wanhkru taw ai ngu mung gara hku mai byin na ngu tsun ai dai shaloi mare ah gyi wa hpe tsun ai da, dai shaloi she mare salang wa gaw tsun ai da, dai hku nga yang gaw da nanhte na ndai jahkyi gaw hpun ntsa de gara hku du di na hpun ntsa kaw nga na rai. Ndai u hkawngrang u mung oh grai tsaw ai shara kaw she pyen ai wa kaning nna ndai ga mahkam kaw hkam na rai ngu di na dai mare salang wa gaw da ah tsawm sha re na hparan kau ya ai da.

Sources