Details

Latitude

25.234

Longitude

96.9165

Start Date

2016-12-15

End Date

2016-12-15

Mara shagun ai kasha da. Moi shawng de da mare langai mi kaw da shan nu nga ai da, shan nu nga reng she dai kasha gaw da grai myit nsu ai da, grai myit nsu re she nta kaw nga ai rai ni mung dut sha rai na she masha na rai mung lagu, kei mare ting na rai ni lagu hkawm, lagu hkrai lagu hkawm rai lagut jau bu kaba byin mat ai da. Deng gaw kanu gaw dai hku lagut jaubu kaba byin mat ai shaloi lani mi wa she shi wa she masha ni na nta kaw arai lagu taw ai shaloi wa she masha ni gaw marawn dat ai shaloi shi hpe lu rim hkrum mat ai da. Lu rim hkrum mat ai shaloi she hkawhkam kaw na hkawhkam wang kaw na i dai ra na ni gaw shanhte ni gaw sa di na she dai lagut jaubu kaba wa hpe shi hpe woi mat ai da. Woi mat di na she oh hkawhkam wang de sa di na she shi hpe shi gaw da masha ni na rai ma grai lagu wa ai, grai lagu wa ai re majaw moi kaji ai kaw na galaw wa ai re majaw shi hpe shi na mara gaw si gying na matu dawdan kau sai da. Dai she shi si sa na re yang gaw hkawhkam wa gaw tsun ai da, nang da nsi shi ai shaloi nang hpe ngai ah hkaw ah hkang langai mi jaw na da, nang hpe hpa tim galaw shangun na da, nang mai galaw ai nang hpa baw hpyi shawn mayu ai rai ngu tsun ai shaloi shi gaw nye nu hpe shaga ya u ngu tsun ai da. Dai shaloi hkawhkam wa gaw e mai sai ngu tsun ai da, yahkring nga gaw shi si ra sa na, nsi shi ai laman hkawhkam wa shi tsun ai hte maren hkawhkam wa jaw ai ah hkaw ah hkang hte maren shi la, shi shi kanu hpe shaga ya na matu tsun re yang she kanu sa wa ai da, sa wa ai shaloi she kanu hpe tsun ai da, ah nu da ngai kaw kap wa rit ngu tsun ai da, ngai kaw kap wa rit ngu tsun ai da, dai she shi nu gaw gai nu na na ngai hpe i n gup kaw ah tsawm sha rai na sa wa yu rit ngai nu hpe lama mi tsun dan na ngu di na tsun ai da. Dai she kanu shi gaw da e dai la kasha wa kanu hpe tsun na ngup hte shi na kanu na na de shi n gup hte hkra ai hte kanu na na kalang ta gang di kawa di kau ya da. Kawa di kau ya reng she dai ngut ai hpang shi tsun ai ga gaw da ah nu da nang da moi ngai hpe madat chye na matu n sharin ya ai majaw ah nu na majaw ngai si ra ai re ai ngu di shi shi nu hpe mara shagun ai da.

Sources