Details

Latitude

25.234

Longitude

96.9165

Start Date

2016-12-15

End Date

2016-12-15

Transcription (La Ring) Hkai pyek hkan nu ni na lam i. Moi shawng de da hkai pyek hkan nu ni nga ai da. Dai aw hkai pyek langai nga ai da. Hkai pyek langai kaw she da shi gaw hkai pyek langai kaw she shi gaw e adi manga nga ai da. Adi manga nga rai jang she hpang e gaw gara kaw na kun nchye ai da di langai mi lawm wa ai da. Dai di kru adi kru re she shanhte ni gaw dai hkai pyek gaw da dai di kru hpe up ai da. Up re she lani mi na nhtoi she hkai pyek ni gaw dai di langai mi gaw hkrek hkrek nga na ga wa ai da. Ga wa rai yang she dai hkai pyek gaw Byek byek byek" nga na shi gaw pru wa ai da. E shi pru wa ai zawn sha da manga da manga hte pru wa ai she hpang jahtum da hpang jahtum dai wa she dai dai di wa she kaji ma kaji ai da yaw kaji na she kachyi sha law rai na she "Hkrek hkrek hkrek" nga na she "Chyip chyip chyip" nga na pru wa ai da. Dai she shi dai hkai pyek gaw shi gaw hkai pyek kanu dai gaw udi langai mi hpe shi gaw sa up hkrup di na she dai u kasha langai mi kraw wa ai da. Dai u tsa kasha langai mi kraw wa ai da. Kraw wa yang she ndai hkan na hkai pyek shi kasha ni gaw hkai pyek manga e hkai pyek manga ni gaw da dai u tsa kasha hpe tsun ai "Nang gaw anhte hte ma nbung ai nang an nau ni mung nre nang" nga na shi hpe pawng mung npawng la ai tsun mung ntsun ai da. Dai shaloi dai u tsa kasha gaw da shi gaw matsan shayen rai na da shi gaw da nga re she "Yi da ngai gaw da ngai shanhte hte mung nbung ai da ngai gaw da gara kaw mung e pyaw ai shara aw gara kaw mung nga mung npyaw sai lo" ngu di na shi gaw da grai myit npyaw rai na hka kau hka nawng makau kaw shi gaw nga taw ai da. Dai u hkai kasha u tsa kasha gaw nga taw rai yang she hka nawng makau kaw shi gaw nga taw rai yang she u tsa langai mi gaw da sa wa di na "E manang wa e nang hpabaw byin na nang hpabaw byin na nang ndai kaw nga taw ai rai" ngu di na tsun jang she dai u tsa gaw tsun ai da "Ngai gaw da an nau ni gaw da grai ntsawm ai da. Ngai hpe gaw da grai ntsawm ai hkai pyek" ngu tsun ai da. "Ngai hpe kadai mung npawng la ma ai da nye na kahpu ni mung kadai ntsawra ma ai da. Ngai dai majaw ngai mau taw ai da ngai hpe mungkan ntsa kaw ngai hpe tsawra ai masha nga ai kun" ngu di na tsun ai da. "Ngai zawn san ai ntsawm la ai ngai zawn san ai grai ntsawm ai masha wa" ngu di na tsun ai da. Dai she dai u tsa wa gaw tsun ai da "Nre ai da u tsa kasha e da nang gaw da grai tsawm ai u tsa. Nang gaw da tsawm la ai e ndai pyen ai baw tsawm la ai nang kaw nga ai da. Nang gaw grai tsawm ai u tsa kasha she re ai" ngu di na shi hpe tsun re she shi gaw grai pyaw mat ai da. Grai pyaw mat di na dai u tsa hte shi hte pyen di na dai shan lahkawng gaw pyen di na shan lahkawng pyen mat ai da. Shi dai hkai pyek hkan nu ni kaw galoi nwa mat ai da.

Sources