Details

Latitude

25.234

Longitude

96.9165

Start Date

2016-12-13

End Date

2016-12-13

Transcription (Lu Hkawng & Lu Pan) Moi nam mali langai mi kaw, hkahkam U ngu ai gaw maka grai ka ai shana ning sin ye she shaga ai shi a nsen gaw grai pyaw nna shaga hkam hkam, hkam hkam nga nna le krung hkan lasam bum ga nam hkan grai shaga ai dai kaw ka ka re grai ka tsawm ai. Ndai U hka ngu ai gaw a chyang re ai ya nan hkan myo ga kaw nga nga ai U hka achyang re ai baw rai tim nam ga na hte gaw shai ai ndai ga na gaw, dai yang hkan she rau hkau ai manang yan re da e hkamhkam U hte Uhka yan, Oh shara mi de poi masha ni a poi nga na rai nga poi dai kaw gaw, labu palawng tsawm tsawm re nna bu hpun sa na matu hkan gaw a U re nga yang hkum kaw ka lang na hku rai re nga ka . Hkahkam U shawng she masha ni ari sha ai baw mahtak ngu ai ri chya ai baw achyang re ai galaw tawn ai ndum mahka kaw sa dun she, e U hka e ngai naw shawng ka rit, ngai ka ngut jang nang ye bai ka ya na ngu she, dai mahtak mahtak galaw taw ai yam makau kaw sa dung nga nna, U hka gaw hka U hpe kahtawk la she shi a mun gaw mi gaw ahpraw re ren da U hka na mun ma ahpraw re ren da. Dai she dai mahtak achyang re dai she hkahkam U e Uhka gaw htawk htawk di nna ya shi mun achyang ahpraw re kaw achyang re ten ten re sing kaw ni mung chyang ai dingren hpraw ai dingren grai tsawm hkra ka nga da U hka ka ya ai re da. Dai Hka U yan Hkamhkam U hpe ka law ka law ka nga ka, ka ngut jang she e ya ngut sai lo,nang ye grai tsawm hkra ka tawn sai ngu she U hka gaw lawk ya ngai bai ka ya rit ngu Uhka bai sa galai dung Hkamhkam U ka na ale hta she, dai U hka gaw le poi de lama ma masha ni kabai kau ai jayet jayaw hpa gaw hpa sa hte sha mayu ai myit rawng tin ai she n re i, law ka u law, law ka u law masha ni sha ma wa na re law ka u chyu chyu shatin jan she, Hkamhkam U gaw dai mahtak yam mahtak dibu kaw she, U hka hpe kanawng bang kau da ai da. Kanawng bang kau da jang gaw, Uhka gaw hkum ting achyang re mat ya du hkra Uhka mun gaw achyang re. Re dai kawn gaw dai kawn pru gaw shan n hkau mat sai da. Hkamhkam U mung shi manang wa e mahtak la-Ing kaw kanawng bang sha chyang kau sai re nga hkrit, U hka mung hkamhkam U hpe gaw mu jang gaw achyek sat na ngu nna tam re ya, hkan yan U hka gaw shani tam sha Hkamhkam U gaw shana she tam sha she shani gaw Uhka hpe hkrit nna hkamhkam u lakrim re. Shachyut dai hku rai re nga mi dai kanawng bang ai hte mahtak Ing kaw na pru yang sha chyut nan yang she, hkamhkam U gaw le sumbwi ju grai laja ai de hprawng pyen mat rai jang shi gaw gat hpraw pye bang nan ai wa she lagaw wa ju ju la ya Uhka dai nam na Uhka ni hkawm yang htaw rawn htaw rawn re nna hkawm ai dai sumbwi ju ju la re nga moi na ni dan nga ma ai le. Mau mwi daw dai kaw htum sai ya, dai gaw Uhka hte Hkamhkam n ram mat ai maumwi rai sai.

Sources